- 14 sáý. 2015 00:00
- 222
Bul án burynǵy ánnen ózgerek
Bul án
burynǵy ánnen ózgerek,
Buǵan
uıqasty óleń, sóz kerek
Ózine oraıly.
Deneń
jan nurly bolsa, jóndelmek,
Óleń
ánge ólshep aıtsa, óńdelmek,
Uıqassa qolaıly.
Án – ólsheýish,
óleń – kúmis,
Qospańyz mys aralas.
Artyq alý,
ne kem salý,
Qapy qalý jaramas.
Aýyr
osy ánge taýyp sóz salmaq
Táýir,
tatymdy uıqas jınalmaq
Tereńnen tolǵanyp.
Syryn
bul ánniń aıtyp qaraıyn
Túrin
sıpattap, tizip sanaıyn,
Óleń tap oılanyp.
Býyny segiz,
altaýy egiz,
Úshem deńiz ekeýi.
Kim dál basty,
kiltin ashty,
Jaqsy uıqasty nesheýi?
Qaıran
qaıǵysyz, qamsyz kúnderim,
Saıran
saýyqty rahat túnderim,
Senderden ne paıda?
Asqan
alpystan mynaý jasymyz:
Qashqan
shaldyqtan ǵaryp basymyz,
Qalasyń qaı saıda?!
Noqtaly bas,
aǵyzyp jas,
Qyzýsyz mas, jeliksiz,
Haqqa kónip,
jalyn senip,
Kórge tónip eriksiz.
Jastyq
jalynsam jáne keler me,
Mastyq
deneme qyzý berer me?
Sýynǵan tula boı.
Maǵan
qarama, kóńilim, muńaıyp,
Saǵan
jetkizbes, ketken ol ǵaıyp,
Jas ómir – ótken toı.
Bul alpysty,
túsken tisti,
Tozǵan tústi jasymda
Sógýshi edim,
opyq jedim,
Bári meniń basymda.
Taǵdyr
adamdy aıdap týǵyzbaq,
Árbir
súıgenin nápsi qýǵyzbaq -
Ómirdiń joly bul.
Jaqsy
nápsisin ózi bılemek,
Tapshy
nadandy nápsi súıremek,
Maqtanǵa bolyp qul.
Ata-anasy,
aınalasy,
Zamandasy qylǵan is
Tálim berer,
soǵan erer,
Taǵy keler bir týys.
burynǵy ánnen ózgerek,
Buǵan
uıqasty óleń, sóz kerek
Ózine oraıly.
Deneń
jan nurly bolsa, jóndelmek,
Óleń
ánge ólshep aıtsa, óńdelmek,
Uıqassa qolaıly.
Án – ólsheýish,
óleń – kúmis,
Qospańyz mys aralas.
Artyq alý,
ne kem salý,
Qapy qalý jaramas.
Aýyr
osy ánge taýyp sóz salmaq
Táýir,
tatymdy uıqas jınalmaq
Tereńnen tolǵanyp.
Syryn
bul ánniń aıtyp qaraıyn
Túrin
sıpattap, tizip sanaıyn,
Óleń tap oılanyp.
Býyny segiz,
altaýy egiz,
Úshem deńiz ekeýi.
Kim dál basty,
kiltin ashty,
Jaqsy uıqasty nesheýi?
Qaıran
qaıǵysyz, qamsyz kúnderim,
Saıran
saýyqty rahat túnderim,
Senderden ne paıda?
Asqan
alpystan mynaý jasymyz:
Qashqan
shaldyqtan ǵaryp basymyz,
Qalasyń qaı saıda?!
Noqtaly bas,
aǵyzyp jas,
Qyzýsyz mas, jeliksiz,
Haqqa kónip,
jalyn senip,
Kórge tónip eriksiz.
Jastyq
jalynsam jáne keler me,
Mastyq
deneme qyzý berer me?
Sýynǵan tula boı.
Maǵan
qarama, kóńilim, muńaıyp,
Saǵan
jetkizbes, ketken ol ǵaıyp,
Jas ómir – ótken toı.
Bul alpysty,
túsken tisti,
Tozǵan tústi jasymda
Sógýshi edim,
opyq jedim,
Bári meniń basymda.
Taǵdyr
adamdy aıdap týǵyzbaq,
Árbir
súıgenin nápsi qýǵyzbaq -
Ómirdiń joly bul.
Jaqsy
nápsisin ózi bılemek,
Tapshy
nadandy nápsi súıremek,
Maqtanǵa bolyp qul.
Ata-anasy,
aınalasy,
Zamandasy qylǵan is
Tálim berer,
soǵan erer,
Taǵy keler bir týys.