InfoHub Logo

Bir baı búrkitshi Qoshtaıdy qaǵýshylyqqa ertip shyǵady. «dándep alyp, munan keıin de jumysynan qaldyrar» dep oılaǵan Qoshtaı baı torǵyǵa shyǵyp bolǵansha dabyl salyp birneshe ret túlkini albaty úrkitip jiberedi. Muny kórgen baı taǵy bir túlkini izdep qýyp kelip, «jataǵy osy bolar» degen mólsherge kelgende:

— Já, sen endi myna búrkitti al da anaý torǵyǵa baryp tur, men jiber dep aıǵaılaǵanda ǵana jiber, — depti Qoshtaıǵa.

Qoshtaı torǵyǵa shyǵyp alǵan soń, baı túlkini qaǵyp shyǵarypty da:

— Jiber, jiber, — dep aıǵaılapty.

Qoshtaı daýysty esitken zaman búrkitti tomaǵasyn almastan laqtyryp kep jiberipti. Qoshtaı qarǵa baryp jyǵylǵan búrkitti qaıta qolyna qondyryp alyp, atyna mingende baı yza bolyp:

— Sal deımin, sal, tomaǵasyn tart, — depti aıǵaılap. Qoshtaı búrkitti taǵy da laqtyryp jiberip, jyǵylyp jatqan jerinde qamshymen salyp-salyp ketken eken. Ábden yza bolǵan baı shaýyp kelip:

— Oı, esýas, mynanyń tomaǵasyn nege almaısyń, — depti oǵan kijinip.

— Oıbúı, taqsyr-aý, tomaǵasyn alǵanda munyńnyń basy tońbaýshy ma edi? Onyń ústine ózin túgel shegelep tastapsyz, — depti tomaǵasynyń quımalaryn kórsetip.

Baı úndemeı atyna minip júre beripti. Aýylǵa taıaǵan bir kezde Qoshtaı baıdyń janyna qatarlasa kelip:

— Baıeke, aýylǵa barǵannan keıin meni jigitterińizge sabatatyn bolsańyz, onda qazir aıtyp qoıyńyz, — depti.

— O, ony qaıtpekshi ediń? — depti baı.

— Onda, — depti Qoshtaı, — áıteý saǵan álim jetedi. Osyndaı ońashada jeti atańdy jezdeı qaqtap otyryp, aldyn ala suǵyp alaıyn dep kelemin.

Sonda baı eriksiz myrs ete túsken eken, Qoshtaıdy munan keıin qaǵýshylyqqa ertpeıtin bolypty.

---