InfoHub Logo

Tárbıe saǵaty 2 synyp
Taqyryby: Densaýlyq qupıalary
Maqsaty: Oqýshylardyń óz densaýlyǵyna jańasha kózqaraspen qarap, ony saqtaýǵa úıretý, balalardyń óz densaýlyqtaryn saqtaýǵa, tazalyqqa, salaýatty ómir saltyn ustanýǵa tárbıeleý.
Sabaqtyń kórnekiligi: ınterbelsendi taqta, A3 formatty qaǵaz, úlestirme materıaldar.
Sabaqtyń túri: tárbıe saǵaty
Sabaqtyń ádis - tásilderi: áńgimelesý, suraq - jaýap, jumbaq sheshý, toptyq jumys, asosıasıa.

Sabaqtyń barysy:
Uıymdastyrý kezeńi:
Psıhologıalyq daıyndyq:
Armysyń, asyl kún,
Armysyń, asyl jer.
Armysyń, kók aspan,
Armysyń, jan dosym.
Sabaqtyń taqyrybyn anyqtaý. Maqsat qoıý.
Synyptan bir oqýshyǵa oqytý. «Densaýlyq – zor baılyq» degen maqal tegin aıtylmasa kerek. Densaýlyq bolsa bári de bolady. Densaýlyq – tabıǵattyń adamǵa syılaǵan qunsyz syılyǵy. Áıtse de densaýlyq adamǵa ómirlik bolyp berilmegen, sondyqtan ony saqtaý kerek. Adamnyń densaýlyq jaǵdaıy adamnyń tamaqtaný ádetine, kásibine, ómir súrý saltyna, ózine tikeleı baılanysty. Ár adam deni saý, kúshti, sergek, baqytty bolýǵa umtylady.
Sonymen balalar, qalaı oılaısyńdar, búgingi sabaǵymyzdyń taqyryby qandaı?
- Denderiń saý bolsa, ózderińdi qalaı sezinesińder?
- Eger aýyrsańdar she?
- Qalaı oılaısyńdar, adamdar nege aýyrady?
Topqa bólý.
Qazir densaýlyqty saqtaý úshin ne isteý kerek, jáne oǵan ne zıan ekenin anyqtaımyz. Ol úshin oıyn oınaımyz. Oıynnyń aty: Densaýlyqtyń dostary men dushpandary dep atalady. Ony sender berilgen tapsyrmany oryndaý arqyly ózderiń anyqtaısyńdar.
Eki topqa assosıasıa berý.

Daıyn bolǵan jumysty qorǵaý.
Sonymen densaýlyqtyń dostary men dushpandary ne eken?
Bir - birimizdi baǵalaıyq.

Jumbaq sheshý.
1. Ony kútken adamdar
Uzaq ómir súredi.
Qadirin bilgen jarandar
Baılyq osy desedi. (Densaýlyq)
2. Bir - birimen dos týys,
Taý túbinde qos qýys. (Muryn)
3. Jarasy joq syzdaıdy,
Órtenedi, muzdaıdy. (Júrek)
4. Ertemen kúnde sen
Qolyńa súıkeseń.
Ketip kir, lasyń
Tap - taza bolasyń.
Bul ne? (Sabyn)
5. Shomylǵan balany
Aımalap alady:
Súrtedi qolyn da,
Súrtedi jonyn da.
Bul ne? (Súlgi)

Maqal - mátelderdi jalǵastyr:
- Deni saýdyń – jany saý.
- Densaýlyq zor baılyq.
- As - adamnyń arqaýy.
- Aýyryp em izdegenshe,
Aýyrmaıtyn jolyn izde.
Jaǵdaıat.
1 - jaǵdaıat. Keshe Asanǵa ájesi alma bergen bolatyn. Ol ony birden jep qoıdy. Keshke Asannyń ishi aýyrdy. Qalaı oılaısyńdar nege?
2 - jaǵdaıat. Talǵat jazylmas dertke shaldyqqan. Onyń úlken záýlim úıi, kóligi, baý - baqshasy, aqshasy bar. Talǵatty baı dep aıta alamyz ba?

Qorytyndy suraqtar:
- Tis emdeıtin adamdy kim deıdi?
- Kóz kórmegende kıetin zat qalaı atalady?
- Tis tazalaıtyn qural?
- Deneni shynyqtyratyn, densaýlyqqa áseri mol sabaq.
- Jalqaýdyń dosy ne?
- Taza júretin balanyń dostary neler?

Bekitý: Eki topqa «Densaýlyq» sózin berý. Bir top densaýlyq sózin qurastyrady, kelesi top densaýlyq sózin buzady.
Ne baıqadyńdar, qurǵan jeńil me, álde buzǵan ba?
- Durys, «Aýyryp em izdegenshe, aıyrmaıtyn jol izde» dep beker aıtpaǵan. Densaýlyqty kútken durys. Ony saqtaý kerek. Sebebi ol bizdiń basty baılyǵymyz. Sabaq aıaqtaldy. Rahmet.
Densaýlyq qupıalary júkteý