![Eki aǵaıyndy](http://infohub.kz/uploads/thumbnail/20240120175111922_big.jpg)
- 16 naý. 2015 00:00
- 243
Eki aǵaıyndy
Eski zamandarda bir-birin qatty jaqsy kóretin óte baýyrmal eki aǵaıyndy bolypty. Úlkeniniń esimi Halıl, kishisi Ibrahım. Halıl úılengen bala-shaǵaly, al Ibrahım áli boıdaq eken. Ekeýiniń ortaq egis alqaby bar edi. Birlese eginshilikpen aınalysyp, shyqqan ónimdi ekige bólisip, kúneltedi.
Bir jyly bıdaı egedi. Shyqqan bıdaıdy oryp, ekige bóledi. Keıin osy bólistirgen bıdaılardy tasýǵa kirisedi. Úlken baýyry Halıl: «Ibrahım, sen osynda kúte tur, men qaptardy alyp keleıin.»-deıdi. Ibrahım: «Jaraıdy aǵa»-dep astyq basynda qalady. Halıl qaptardy alyp kelýge ketkende inisi oılanady: «Aǵam úılengen, bala-shaǵasy bar. Maǵan qaraǵanda oǵan kóbirek bıdaı kerek»- dep, óziniń úlesindegi bıdaılardan birneshe kúrek bıdaı alyp, aǵasynyń bıdaıyna qosyp qoıady. Keıin aǵasy qaptardy alyp kelip: «Qane Ibrahım, tasýdy aldymen sen basta»- deıdi. Ibrahım: «jaraıdy»-dep bir qapty toltyryp, alyp ketedi. Ol ketken kezde aǵasy oılanady: «Allahqa shúkirler bolsyn. Men úılengenmin, bala-shaǵalarym da bar. Biraq inim áli boıdaq. Oǵan áli kóp jumys istep, aqsha tabýy kerek. Úı quryp, úılenýi kerek» dep, óziniń bıdaıynan biraz kúrek inisiniń bıdaıyna tastaıdy. Kelesi kezekte Halıl ketkende inisi óziniń bıdaıynan taǵy da onyń úlesine qosyp qoıady. Aǵasy da óz kezeginde birneshe kúrek inisiniń bıdaıyna tastap otyrady. Osylaısha birshama jalǵasady, biraq bul isten bir-biriniń habary bolmaıdy. Sońynda kesh batyp, kún qaraıady. Al bıdaıdyń taýsylatyn túri joq, tipti azaımaıdy da. Allahý ta’alaǵa bul jaǵdaı qatty unaıdy. Bul bıdaılaryna Haq ta’alanyń bereke bergeni sonshalyq, qanshama kún tasyp, bıdaıdy taýysa almaıdy. Olar bul halge tań qalady. Bıdaılary azaıýdyń ornyna, kerisinshe kóbeıip, qoımalary tolyp tasyp ketedi. «Berekeli bolsyn» degen tirkestegi bereke sóziniń shynaıy maǵynasyn osy mysal aıqyndap turǵandaı...