Esińde bar ma jas kúniń
Esińde bar ma jas kúniń,
Kókiregiń tolyq, basyń bos,
Qaıǵysyz, oısyz, mas kúniń —
Kimdi kórseń, bári dos.

Mahabbat, qyzyq, mal men baq
Kórinýshi edi dosqa ortaq.
Úmit jaqyn, kóńil aq,
Bolar ma sondaı qyzyq shaq?

Qudaı-aý, qaıda sol jyldar,
Mahabbat, qyzyq mol jyldar?
Aqyryn, aqyryn sheginip,
Alystap ketti-aý qurǵyrlar!

Jalynasyń, boqtaısyń,
Saǵynasyń, joqtaısyń.
Mahabbat ketti, dos ketti —
Jete almaısyń, toqtaısyń.

Kózime jas ber, jylaıyn,
Shydam ber, sabyr qylaıyn.
Jaraly bolǵan júrekke
Daýa ber, jamap synaıyn.


You Might Also Like

Jańalyqtar

Jarnama