Fýtbol týraly qyzyqty 7 fakt

1. Norvegıa ulttyq quramasy, Brazılıa quramasymen oınap jeńilmegen jalǵyz komanda. Atalmysh eki komanda ózara tórt ret kezdesken. Norvegıa quramasy eki ret jeńip, eki ret teń túsken.


2. 2010 jyly Barselona klýby Qatar Foundation ujymymen demeýshilik kelisim shartqa otyrdy. Bul shart boıynsha Barselona klýby Arab elderinde satylatyn óziniń fýtbolkalaryndaǵy logtıpterdi ózgertý kerek edi.  Logotıptegi musylmandardyń senimderine qaıshy keletin kres belgisin ózgertý kerek bolatyn. Barselona klýby bul shartpen kelisti jáne logotıptegi gorızontal jatqan qyzyl syzyqshany alyp tastady.


3. 1998 jyly Kongo Demokratıalyq Respýblıkasynda bolǵan machta, alańǵa naızaǵaı túsedi. Nátıjesinde qonaq bolyp kelgen komandanyń 11 fýtbolshysy óledi, jankúıerlerden 30 shaqty adam kúıik jaraqatyn alady. Bir qyzyǵy – alań ıeleriniń 11 oıynshysyna eshnárse bolmaıdy.

 

4. Anglıa chempıonaty tarıhy boıynsha "oınap júrip jattyqtyrǵan" eń jas jattyqtyrýshy áli kúnge deıin Aıvor Brodıs (Ivor Broadis)  bolyp tabylady. 1946 jyly ol Karlaıl Iýnaıted komandasyn jattyqtyra bastady, ol kezde onyń jasy nebári jıyrma úshte edi. Sodan úsh jyldan keıin ol ózin Sanderlend komandasyna 18 myń fýntqa satty, ol kezde bul sýmma iri bolatyn.


5.Gýýs Hıddınk óziniń bapkerlik kásibin «De Grafshap» komandasynda bastady. Sol komandada 3 jyl jumys atqarǵannan keıin, ol óziniń kásibin PSV (Philips Sport Vereniging, PSV) komandasynda jalǵastyrdy. PSV komandasynda ótkizgen 1 jyldan keıin, «De Grafshap» komandasynyń jankúıerleri óz qaltalarynan 40 myń gýlden jınap, Gýýs Hıddınkti qaıta «De Grafshap» komandasyna aldyrtty.


6. Gondýras quramasynyń Salvador quramasynan jeńilýi, atalmysh eki eldiń arasynda 6 kúndik qaqtyǵystar týǵyzdy.


7. Fýtbol tarıhynda tóreshilerdiń óz ózderine qyzyl qaǵaz kórsetken ýaqıǵalary da bolǵan. “Pıterboro Nort End” – “Roıal Meıl” machynda tórelik etken Endı Ýeın óz ózine qyzyl qaǵaz kórsetken. Ol machta qaqpashymen kezekti ret eregisip qalyp, jaǵdaıdy ýshyqtyrmas úshin óz-ózine qyzyl qaǵaz kórsetip, alańnan kete barǵan.  “Saýtgempton Arms” jáne “Herstborn Tarrant Brıtısh Legıon” komandalary arasyndaǵy machty tórelik etken Melvın Sılvestr, bir fýtbolshymen eregisip, ony uryp, sodan keıin ózine qyzyl qaǵaz kórsetip alańnan qýylǵan.


You Might Also Like