![Gýgldan izdeý tásilderi](http://infohub.kz/uploads/thumbnail/20240119212910911_big.png)
- 06 sáý. 2015 00:00
- 329
Gýgldan izdeý tásilderi
Kúnine qanshama mıllıon adam málimet izdeý úshin Gýgl (Google) izdeý júıesin qoldanady. Biraq, bul adamdardyń kóbisi gýgldan izdeýdiń birshama tásilderi bar ekenin bilmeıdi. Sol birshama tásilder tómende keltirildi:
1. Belgili bir sózdi izdeý
Belgili bir sóılemdi nemese sózdi izdeý úshin ol sózdi tyrnaqshaǵa alyp izdeý kerek. Mysaly tómendegi eki sýretti salystyryp kórińiz:
2. Sózi túsip qalǵan sóılemdi izdeý
Mysaly siz bir sóılemde, dáıeksózde nemese maqal-mátelde bir sózdi umytyp qaldyńyz, "Bir qyzdyń kesiri qyryq esekke júk" degen mátelde, "kesiri" degen sózdi umytyp qalsańyz jáne muny gýgldan izdegińiz kelse, bylaı izdeısiz:
Bir qyzdyń * qyryq esekke júk
3. Birneshe sózdiń ishinen kez kelgenin tabý
Mysaly sizge "ertegi", "ınformatıka", "resept" týraly málimetter kerek. Osy úsh sóz kezdesetin málimetterdiń barlyǵyn izdeý úshin, gýglǵa osy úsh sózdi tik sleshpen bólip jazasyz, ıaǵnı bylaı:
ertegi | ınformatıka | resept
4. Bir sóılemniń ishinde kezdesetin sózderdi tabý
Eki nemese odan kóp sóz bir sóılemde kezdesetin málimetti qalaı tabýǵa bolady?! Ol úshin & (ampersand) belgisin qoldaný kerek. Mysaly:
ronaldý & qaqpashy & Qazaqstan
5. Mindetti bir sózdi qosý
İzdeletin málimettiń (ýeb bettiń) ishinde mindetti túrde bolý kerek sózdi qosý úshin, sol sózdiń aldyna "+" qoıý kerek. Mysaly:
Synyp + bıologıa
6. İzdeý nátıjelerinen belgili bir sózdi alyp tastaý
İzdeýdiń nátıjesinde bolmaý kerek sózdi qalaı jazýǵa bolady. Mysaly sizge ıttiń túrlerin izdeý kerek. Biraq izdeý nátıjesinde "tóbet" degen sóz bolmaý kerek. Bul jaǵdaıda gýglǵa bylaı jazasyz:
Ittiń túrleri - tóbet
7. Málimetti belgili bir saıttan izdeý
Málimetti belgili bir saıttan qalaı izdeýge bolady. Mysaly bilim-all.kz saıtynan "Informatıka" jaıynda málimet izdegińiz keldi, bul jaǵdaıda gýglǵa bylaı jazasyz:
Informatıka site:bilim-all.kz
8. Belgili bir tıptegi qujatty izdeý
Mysaly sizge aǵylshyn tilinen málimetter kerek boldy jáne bul málimetti pdf formatynda tapqyńyz keledi. Muny mime operatory arqyly iske asyrýǵa bolady. (Mysaly sizge english in action degen sóz boıynsha málimet kerek)Bul jaǵdaıda gýglǵa bylaı jazasyz:
english in action mime:pdf
9. Sózdiń maǵynasyn izdeý
Belgili bir sózdiń maǵynasyn izdeý operasıasy "define" operatoryn qoldaný arqyly iske asyrylady. Mysaly:
define: color
10. Kálkýlátor
Gýgldy kálkýlátor esebinde de qoldanýǵa bolady. Mysaly: 87*12 dep izdep kórińiz
11. Keshtelgen ýeb betti izdeý
Belgili bir saıttyń sońǵy keshtelgen betin izdeý úshin bylaı jazasyz, mysaly: cache:bilim-all.kz
12. Qaladaǵy aýa raıy
Belgili bir qaladaǵy aýa-raıyn bilý úshin, gýglǵa bylaı jazasyz,(mysaly Almaty): weather Almaty