Jaqsylyq pen Jamandyq

Jasy úlken ata men onyń nemeresi úıdiń aldynda yrsyldap, alparysyp jatqan eki ıtke qarap otyrypty. Itterdiń bireýi aq, ekinshisi qara. 12 jasar nemere ózin bilgeli osy ıtter únemi atasynyń úıi aldynda alparysyp jatatyn. Atasy kózin almaı qaraıtyn iri ıtter edi bular.

Nemere: «Ata, ıtterińiz sonshalyqty úlken - úıińizdi qorǵaýǵa bireýi de jeter edi ǵoı, nege ekeýin ustaısyz? Al tústeri she - nege bireýi aq, ekinshisi qara bolýyn qaladyńyz?» dep surady atasynan.

Jasy 70-ke jetken ata nemeresine kúlimdep qarady da:
"Ol ıtterim," dedi, "men úshin eki tańba, balam."

- Neniń tańbasy?

- Jaqsylyq pen jamandyqtyń. Týra osy ıtter uqsap, ishimizdegi jaqsylyq pen jamandyq únemi kúresip jatady. Itterge qaraǵan saıyn sony oılaımyn. Sol úshin olardy qasymda ustaımyn.

Kishkentaı bala, kúres bolsa onda jeńgen men jeńilgen de bolýy kerek dep:
"Qalaı oılaısyz, osy kúresti qaısysy jeńip shyǵady eken?"

Atasy balaǵa qúlimdep qarap:
"Qaısysy deısiń ba, balam? Men qaısysyna kóp tamaq bersem - sol!"


You Might Also Like