- 14 sáý. 2015 00:00
- 250
Jas alpystan asqan soń...
Jas alpystan asqan soń,
Ólimge aıaq basqan soń,
Tirshilikten oıanyp,
Kózimdi anyq ashqan soń.
Haqıqattyń qymyzyn
Iship, búgin mas edim,
Tazalap júrek yndyzyn,
Nárestedeı jas edim.
Shaqyrdy bir perishte
Tánimdi emes, janymdy.
Ótirik dep kerispe,
Osy sózim nanymdy.
«Nege otyrsyń baılanyp,–
Dedi‚ – baıǵus, tuzaqta.
Áýre bolma aılanyp,
Laıyq oryn bu jaqta».
Qubylmaly saraı bul
Qum ústine salynǵan.
Sansyz baıdan qalǵan tul,
Jaraı ma oǵan jalynǵan?
Ómir úıi jelde tur,
Ymit úıi – saǵymda,
Kóz jetpeıtin kólde tur,
Izdegen erik baǵyńda.
Jasyl kúmbez ishinde
Jan-tánimen kim azat?
Bul tirshilik tusynda
Bola almaısyń shyn azat.
Qabaǵyńdy ash, qaıǵyrma,
Berilgenge razy bol.
Anyq oıdan aırylma,
Ashylǵan joq erkin jol.
Baqtyń gúli kúlse de‚
Ýáde berdi demeńder.
Gúl solaryn bilse de‚
Keıimeıdi kemeńger.
Tátti sóz ben túzý oı –
Taǵdyr syıy emes pe?
Áýre qylma‚ janym‚ qoı‚
Meni kúndep egespe!
Ólimge aıaq basqan soń,
Tirshilikten oıanyp,
Kózimdi anyq ashqan soń.
Haqıqattyń qymyzyn
Iship, búgin mas edim,
Tazalap júrek yndyzyn,
Nárestedeı jas edim.
Shaqyrdy bir perishte
Tánimdi emes, janymdy.
Ótirik dep kerispe,
Osy sózim nanymdy.
«Nege otyrsyń baılanyp,–
Dedi‚ – baıǵus, tuzaqta.
Áýre bolma aılanyp,
Laıyq oryn bu jaqta».
Qubylmaly saraı bul
Qum ústine salynǵan.
Sansyz baıdan qalǵan tul,
Jaraı ma oǵan jalynǵan?
Ómir úıi jelde tur,
Ymit úıi – saǵymda,
Kóz jetpeıtin kólde tur,
Izdegen erik baǵyńda.
Jasyl kúmbez ishinde
Jan-tánimen kim azat?
Bul tirshilik tusynda
Bola almaısyń shyn azat.
Qabaǵyńdy ash, qaıǵyrma,
Berilgenge razy bol.
Anyq oıdan aırylma,
Ashylǵan joq erkin jol.
Baqtyń gúli kúlse de‚
Ýáde berdi demeńder.
Gúl solaryn bilse de‚
Keıimeıdi kemeńger.
Tátti sóz ben túzý oı –
Taǵdyr syıy emes pe?
Áýre qylma‚ janym‚ qoı‚
Meni kúndep egespe!