![Jetistik](http://infohub.kz/uploads/thumbnail/20240120175111363_big.jpg)
- 16 naý. 2015 00:00
- 229
Jetistik
Jetistikke jetetin adam kez kelgen kedergilerde moıymastan ilgerilep, áreketin, eńbegin jalǵastyra alatyn adam. İlgerileýdiń toqyraıtyn jeri, kederginiń syltaýǵa aınalatyn kezi. Adamnyń ózine jasaýy múmkin bolǵan eń úlken jamandyq, aldynan shyqqan kedergige tize búgýi. Jetistiktiń qajet etetin ynta-jigerdi jumsaýda qoryqqan kezderimizde óte ádemi syltaýlar tabamyz. «Mynadaı sebepterge baılanysty oryndaı almadym, átteń osy kedergi bolmaǵanda taýdy qoparar edim» degen sıaqty. Sondaı-aq adamdar ózine tosqaýyl bolýmen qalmaı, basqalarǵa da tosqaýyl bolýdy jaqsy atqarady. «Óı seniń qolyńnan kelmeıdi», «Sen muny isteı almaısyń», «Óı sen adam bolmaısyń» dep aıtý kisige jasalatyn eń jaman opasyzdyq.
Eger jetistikti, tabysty bolǵyńyz kelse tabysty adamdardyń ortaq erekshelikterin boıǵa sińirýińiz qajet. Al tabysty adamdardyń eń mańyzdy qasıeti: Kez kelgen ýaqytta, kez kelgen shartta, kez kelgen jaǵdaılarda da áreketin, eńbegin jalǵasyrýdy atqara alý. Ómir joly álemdi saıahattaýǵa uqsaıdy. Oıy, qyry, taýy, jazyǵy, teńizi, ystyǵymen sýyǵy bolmaıtyn sapar bolmaıdy. Uzaq jolǵa shyqqanda kún únemi tóbeńde turmaıdy. Qanshama elsiz dalalarda, qarańǵy túnderde júrýge májbúr bolasyń. Qarmen, boranmen, jańbyrmen, balshyqpen arpalysýǵa týra keletin kezder bolady. Jer betinde qıyndyq tartpastan ómir súrgen adam bolmaıdy. Tek jetistikti adam jolynan taıynbaıdy. Kúlimdegen, jyly júzdi bolý, jyly sózdi bolý, moıymaı eńbegin jaqsy atqarý, pozıtıvti energıa jetistik ákeledi.
Nazar aýdar:
Motıvasıa, maqsat jáne jetistik
Jumystyń astynda ezilip qalmaý kerek