InfoHub Logo

Sáken Imanasovqa jyly lebizder

Iá, Sáken birer aýyz óleń jazdym dep qaladan shyqpaı jumyssyz júretin keıbir zamandastaryna uqsamaıdy. Ol Jer-ananyń óz baýyrynan nár alyp, sol jerdi kóriktendire beretin balaýsa terek sekildi... Aýyl ómirin kóbirek jazatyn jyrdaǵy Tumanbaımen, prozadaǵy Saıynmen úndesip jatatyndyǵyn baıqaımyz.

Ábý SÁRSENBAEV, Qazaq SSR Halyq jazýshysy

Sáken Imanasovtyń "Altyn aımaǵy"... eldikpen erlik. azamattyq pen adaldyq jaıynda jazylǵan jyrlar. Árgi-bergi ádebıet tarıhynan tamyrlas týyndy izder bolsaq. "Altyn aımaq," Aleksandr Tvardovskııdiń "Bir qıyrdan bir qıyryn" eske salar edi. Bul eki dúnıeden taqyryptyq, kórkemdik janrlyq uqsastyq izdep áýre bolmaı, avtorlyq maqsat uqsastyǵyn qarastyrý lázim".

Qadyr MYRZALIEV, Qazaq SSR Memlekettik syılyǵynyń laýreaty

Aqyn Sáken Imanasovtyń poezıasyn oqyǵanda meniń kóz aldymda qashan kórseń de arnasy ortaımaıtyn, móldirligimen, áz áýen, ásem tynysymen aınalasyndaǵy tirshilik ataýlyny jaıdarman, jaısań kúıge bóleıtin tuma bulaqty elestetemin.

Farıza OŃǴARSYNOVA, Qazaq SSR Memlekettik syılyǵynyń laýreaty

...Qazaq poezıasynda "Mendeleev kestesi" bar bolsa. Sáken sonyń bir uıasyn bekem mekendegen aqyndardyń biri..

Asqar SÚLEIMENOV, jazýshy-dramatýrg

---