Kaspıı tiltistisi
Kaspıı tiltistisi — dóńgelek aýyzdylar klasynyń ókili. Balyqtárizdi janýardyń uzyndyǵy 55 sm, salmaǵy 200 g deıin. Aýyzy tútik tárizdi, kóptegen múıizdi tisteri bolady, ony sorǵysh retinde paıdalanady. Ýaqytynyń kóbin Kaspıı teńizinde tuzdy sýynda ótkizedi, al ýyldyryq shashý úshin Jaıyq ózenine kóteriledi. Sý temperatýrasy 110°S-qa tómendegende kóbeıý úshin qonys aýdarý bastalady. Ýyldyryǵyn ózenniń taıaz jerlerine shashady. Ýyldyryq shashýdyń aýyr jolyn ıgerý úshin, jolǵa shyǵar aldynda denesiniń 34% maı bolady. Buryn janýarlardy ustap, keptirip, maıyn jaryq úshin paıdalanatyn bolǵan, qazir tamaq úshin paıdalanady.
1941 jylǵa deıin jylyna orta eseppen 350 tonna tiltis aýlanǵan, sodan beri sany úzdiksiz kemýde. Tirshilik etýine negizgi qaýpi — Jaıyq ózeninde sý qurylystaryn salý. Qoldan ósirýdi uıymdastyryp, jas tiltisterdi qoryqtyq rejımi bar sýlarǵa jiberý kerek.
You Might Also Like
-
Kenen Ázirbaev (1884-1976) — qazaqtyń áıgili halyq aqyny, kompozıtor. Qazaqstannyń eńbek sińirgen óner qaıratkeri. Týyp-ósken jeri – Jambyl oblysynyń Qordaı aýdanyndaǵy Mátibulaq degen ...
-
Kemirgishter, kemirýshiler — sútqorektiler klasynyń eń kóp taraǵan otrády. Qazir olardyń dúnıe júzinde 32 tuqymdasqa jatatyn 2500-deı, al Qazaqstanda 15 tuqymdastyń (usharlar, tıintárizdiler, qu...
