Keshegi Qarajan men Baıǵulaǵym,
Jobalaı, Ádil, Myńǵat, Baıuzaǵym!
Biradar Raqymberdi Usabaı men,
Toǵalaq, Tákeı menen boldy Ysqaǵym.
Sáken, Kójek, Moldabaı, Ákejandar –
Qamshy, quryq, jantorsyq, saptyaıaǵym.
Ne malyma qyzyqpaı, ne asyma,
Qıanatsyz, dos bolyp júrgen shaǵym.
İni-aǵaly, týǵandar kóp bolsa da,
Jalǵanda shyn dos edi súıgen baǵym.
Qaıda júrse qaraǵan qabaǵyma,
Ózgeniń berse da almaı altyn taǵyn.
Oıymdy aıtpaı bilip, ashpaı kórip,
Bir men úshin daıyndap júrer jaǵyn.
Aıryldym aq júrekti zamandastan
Qaıda eken, qaıran dostar, arýaǵyń?
Búgin bar esendikpen Káriqyzdar
Solardyń kóre qalǵan bir tyrnaǵyn.
Úıtkenmen keýdesinde qur súlderi,
Bilmeıdi óziniń de ne qylmaǵyn.
Dossyz ómir – shoǵy joq qara kómir,
Ótken kún – elestegen ol bir saǵym.
Jan súıenish jaqynnan aırylǵan soń.
Aıyp pa aldymdy oılap jylaǵanym.
Solardyń bárin Iem jarylqasyn,
Tileımin jaqsy orynda jolyqpaǵyn.
Oılaı bersem, ot shalar júregimdi,
Jana bermeı, qylaıyn sózdi shaǵyn.
 

---