Ketbuǵa
Ketbuǵa (shamamen 1150-1225 j.), jyraý, kúıshi-kompozıtor, ańyz keıipkeri. 14 ǵasyrda jazylǵan «Shadjarat ál-atrak» («Túrik shejiresi») atty kitaptaǵy derekter men el aýzyndaǵy ańyzdar boıynsha, Deshti Qypshak ámiri — Joshy han ań aýlap júrip qaza tapqanda, Shyńǵyshanǵa qaraly habardy jetkizýge eshkim batpaıdy. Sonda Ketbuǵa bas keter aýyr mindetti óz moınyna alady. Áýeli: «Teńiz bastan bylǵandy, kim tundyrar, a, hanym, Terek túpten jyǵyldy, kim turǵyzar, ýa, hanym», — dep Shyńǵyshandy qaraly habarǵa ázirlep alady da, balasy Joshynyń ólimin kúımen estirtedi. «Aqsaq qulan — Joshy han» kúıi osylaı týyptymys.
Bizge Ketbuǵanyń osy kúıi jáne kúı shyǵarar aldynda aıtqan birneshe jol óleńi ǵana jetti. Basqa ádebı ne mýzykalyq shyǵarmasy saqtalmaǵan. Alaıda urpak aýzynan Ulyǵ (uly) jyrshy degen ataq alǵan Ketbuǵanyn óz kezinde shyǵarmalary halyq arasyna keń taraǵan, kóshpeliler arasynda sóz óneriniń damýyna erekshe yqpal etken kórnekti tulǵa bolǵandyǵy baıqalady. 15 ǵasyr aıaǵy men 16 ǵasyrdyń alǵashqy shıreginde jasaǵan Dospambet jyraý Ketbuǵa bıdi kurmetpen aýzyna alady, onyń sózderimen ózinin tanystyǵyn bildiredi. Halyq ólenderi men ańyz áńgimelerde de Ketbuǵa el qamqory, dana aqsaqal retinde beınelengen. Ol týraly ańyzdar qyrǵyz fólklorynda da bar.
Oqýǵa keńes beremiz:
Aqsaq qulan — Joshy han (V nusqa)
Alasha han hám onyń balasy Joshy han týrasynan qazaq arasynda bar sóz
You Might Also Like
-
Kúlásh (Gúlbahram) Jasynqyzy Báıseıitova (1912-1957) — qazaqtyń áıgili ánshisi (lırıka-kaloratýralyq soprano), qazaq opera óneriniń negizin salýshylardyń biri, qoǵam qaıratkeri. KSRO halyq artıs...
-
Kesirtke — qabyrshaqtylardyń bir otrád tarmaǵy. Olar jer sharynyń sýyq aımaqtarynan basqa jeriniń bárine derlik taralǵan. Bulardyń qazirgi kezde 20 tuqymdasqa, 350 týysqa birigetin 4000-nan ast...
