InfoHub Logo

Bir kúni túnde Juqa kitap oqyp otyrsa áıeli onyń aldyna tebitip kelip:

— Bala tún boıy jylap ýanbady, kótere-kótere eki qolym talyp ketti. Balany uıyqtatýdyń amalyn qarastyrsańshy, — dep nazalanady.

Juqa baıyppen:

— Onyń ne qıyndyǵy bar, kitapty balanyń bas jaǵyna qoıyp, birden paraqtap berseń, bala birdemde uıyqtaıdy ǵoı, — dep kitapty áıeline usynady.

Áıeli onan ary ashýlanyp:

— Nemenege qyljaqtaısyń! Saǵan tıemin dep qor boldym, tańerteńnen keshke deıin qý janymdy tynyshtyq bolmaıdy. Janymdy aýzyma tistep júrsem de, tıtteı de janyń ashymaıdy, — dep ursa bastaıdy.

— Súıiktim, sabyr, taqat qyla tur, men balany uıyqtatýdyń amalyn oılastyryp jatpaımyn ba? — deıdi Juqa.

— Seniń kitabyńnyń nege sebi tımek? — dep suraıdy áıeli.

Sonda Juqa qadaǵalap turyp bylaı degen eken:

— Bul kitaptyń sıqyr kúshi zor. Men oqýshylarǵa osy kitapty oqyp bergenimde olar qalǵyp ketetin, tipti, qorylǵa da basatyn. Saqaldy oqýshylardy uıyqtatýǵa qudireti jetken bul kitaptyń bizdiń balamyzǵa áseri bolmaıdy dep kim aıta alady?

---