- 14 sáý. 2015 00:00
- 204
Kókirekte tolǵan sher, kóńil qaıaý...
Kókirekte tolǵan sher, kóńil qaıaý,
Ermeısiń dep elim jaý, dosym baıaý.
Súıer kisim, súıener jaqynym joq,
Bir ózińe syıyndym, bir qudaı-aý!
Elge kónsem, aq joldan adasamyn,
Kónbeı júrsem, kóp ıtpen talasamyn.
Tek otyrsam, tepkilep shydatpaıdy,
Endi qaıtip bul elmen jarasamyn.
Bir momynnyń ustasam túzý isin,
Jóndeıin dep ǵaryptyń jón jumysyn –
Aqtan bezgen ary joq óńkeı zalym
Yryldatyp jabady ıt pen qusyn.
Kóp tóbetke jetedi qaıdan kúshim,
Qutqara almaı adaldy pysady ishim.
Qabaǵyńdy qaqqansha qas bolady,
Jaqynym dep bolysyp júrgen kisim.
Osy kúnde aramnyń joldasy mol,
Qý men sumdy kim jısa, shyn myqty sol.
Maqtan, ataq izdeseń – Qudaıdan bez,
Ardan kúsip, aramnyń bireýi bol.
Muny qylsań, bolasyń sen de myqty,
Qaıdaǵy qý, aldampaz tórge shyqty.
El ishinde senen qor jan bola ma,
Ustaımyn dep otyrsań adaldyqty.
Eleýirgen esirik eldiń bári,
Óńkeı batyr, báleqor jas pen kári.
Seni adam dep esirkep kim oılaıdy,
Qulap qalǵan qý molań kimge dári...
Árıne, sen de birge júrseń eken,
K...ińdi ashyp, kóılekti túrseń eken.
Ábúıir joq, sana joq, aqtan bezip,
Dambal shesh, ıt zikirge kirseń eken.
Men alalmyn degenge joldas qaıda,
Eki kózi tórt bolyp qalar saıda.
Syrlasy joq, syrlasar jaqyny joq,
Bar súıenish, úmiti – bir Qudaıda.
Ermeısiń dep elim jaý, dosym baıaý.
Súıer kisim, súıener jaqynym joq,
Bir ózińe syıyndym, bir qudaı-aý!
Elge kónsem, aq joldan adasamyn,
Kónbeı júrsem, kóp ıtpen talasamyn.
Tek otyrsam, tepkilep shydatpaıdy,
Endi qaıtip bul elmen jarasamyn.
Bir momynnyń ustasam túzý isin,
Jóndeıin dep ǵaryptyń jón jumysyn –
Aqtan bezgen ary joq óńkeı zalym
Yryldatyp jabady ıt pen qusyn.
Kóp tóbetke jetedi qaıdan kúshim,
Qutqara almaı adaldy pysady ishim.
Qabaǵyńdy qaqqansha qas bolady,
Jaqynym dep bolysyp júrgen kisim.
Osy kúnde aramnyń joldasy mol,
Qý men sumdy kim jısa, shyn myqty sol.
Maqtan, ataq izdeseń – Qudaıdan bez,
Ardan kúsip, aramnyń bireýi bol.
Muny qylsań, bolasyń sen de myqty,
Qaıdaǵy qý, aldampaz tórge shyqty.
El ishinde senen qor jan bola ma,
Ustaımyn dep otyrsań adaldyqty.
Eleýirgen esirik eldiń bári,
Óńkeı batyr, báleqor jas pen kári.
Seni adam dep esirkep kim oılaıdy,
Qulap qalǵan qý molań kimge dári...
Árıne, sen de birge júrseń eken,
K...ińdi ashyp, kóılekti túrseń eken.
Ábúıir joq, sana joq, aqtan bezip,
Dambal shesh, ıt zikirge kirseń eken.
Men alalmyn degenge joldas qaıda,
Eki kózi tórt bolyp qalar saıda.
Syrlasy joq, syrlasar jaqyny joq,
Bar súıenish, úmiti – bir Qudaıda.