InfoHub Logo

Taǵy bir joly aýyl shetine bir kerýen kelip túsipti. Ymyrt jabyla Tańdaıbaı táýir kıimderin kıip olarǵa barypty da:

— Mynaý aq úı meniki, el meniń sózimnen shyqpaıdy. Ne zat bar, shıbarqyt bar ma? Erteń men eldi jıamyn, saýdalaryń kúset bolady, — depti. Muny estigen kerýen basy:

— Oıbaı, baıeke-aý, bar izdegenińiz túgel tabylady, — dep kaýkelek qaǵypty.

— Ondaı bolsa, búgin maǵan aldyn ala jıyrma qoıdyń nársesin bere turyńdar, — depti Tańdaıbaı.

Kerýen basy Tańdaıbaıdyń aıtqanyn oryndapty. Tańdaıbaı top-top shıbarqyt, torǵyndy úıine aparyp tyǵyp tastapty. Tańerteń kerýen basy baıǵa barsa, baı Tańdaıbaı emes.

— Oı, men qashan senderge bardym, qashan shıbarqyt pen torǵyn aldym, — dep zar qaǵady. Aldanǵanyn sezgen kerýenshiler aýyl aralap aldamkósti izdepti. Kerýenshiler Tańdaıbaıdyń úıine kelgende, Tańdaıbaı kúpisin aýdaryp kıip, eki kózin aýdaryp esik aldynda ıtaıaq shaýyp otyrypty. Muny kórgen kerýenshiler tóńirektep turyp:

— Iapyr-aı, kóziniń jyrtyǵy bolmasa túndeginiń saqaly tap osyǵan uqsas edi, amal bar ma? — dep júrip ketipti.

---