Lıonel Messıdiń ár kezde aıtqandary

Meniń ornyma eki aıaǵym sóıleıdi.

Men Barselona qalasynda 12 jasymnan bastap turyp kelemin, biraq men áli Argentına azamatymyn.

Kishkentaı kezimnen men uıań bolatynmyn jáne barlyq ýaqytymdy tek fýtbolǵa arnaıtynmyn. Dostarym meni kóshe kezýge shaqyratyn, biraq men erteńgi kúni jattyǵýym bolǵandyqtan, kezýge kóp shyǵa bermeıtinmin. Sol balalyq shaǵymnan beri áli eshnárse ózgergen joq, Qazir de dostarym bir jerge shaqyrsa, úıde qalǵandy jón kóremin.

Men barlyq machty fınalda oınap jatqandaı oınaımyn.

Marapattar árıne jaqsy, biraq bul meni emes tilshilerdi alańdatýy kerek.

Keı ýaqytta ózińe: "Barlyq oıynda jeńý múmkin emes" dep aıtýyńa týra keledi.

Ómirde fýtboldan da mańyzdyraq nárseler bar.

Aqsha meniń oınaý dárejemdi ózgertpeıdi. Men ózimdi áli, mamasynan dop surap alyp, aýlada sol dopty qýalap júrgen baladaı sezinemin. Bul sezimdi joǵaltqan ýaqytymda fýtbolmen qosh aıtysamyn.

Maǵan aqsha tólemeı qoısa da, osy dárejede tegin-aq oınaı berer edim. Aqsha árıne ómir súrý jaǵdaıyńdy túzeıdi, biraq qanattandyrmaıdy. Men ekonomıkalyq jaǵdaıymdy túzeý úshin emes, fýtbol oınaý úshin ómir súrýdemin.

Maǵan adamdy tań qaldyratyn shash úlgisi nemese dene bitim kerek emes. Meniń aıaǵyma dopty berińder, ónerimdi sonda kórsetemin.

Ronaldý óte tamasha oıynshy, oǵan degen eshqandaı qyzǵanysh sezimim joq. Eger Ronaldý bolmaǵanda men onyń dárejesin asý úshin umtylmas edim, bir deńgeıde qalyp keter edim.

Fýtboldy aıaqtaǵannan keıin, meni jaqsy fýtbolshy emes jaqsy adam dep eske alǵanyn qalar edim. Osy nárse meni kóbirek mazalaıdy.

 

 


You Might Also Like

Jańalyqtar

Jarnama