InfoHub Logo

QR Parlamenti Májilisiniń depýtaty Natalá Jumadildaeva balalardy mektepke deıingi bilimmen qamtý eseptiligindegi sandardyń sáıkessizdigin synady.

«Mektepke deıingi mekemelerdegi jalpy oryn sany  814 140.  Al esepterde balabaqshamen qamtylǵandardyń sany 807 170 adam. Demek, respýblıka boıynsha mektepke deıingi mekemelerdiń jobalyq qýatynan 6970 orynǵa kem. Osy rette mynandaı suraq týyndaıdy. 160 myńnan astam bala mektepke deıingi mekemelerge bara almaı otyrǵanda shamamen 7 myń oryn nelikten bos tur? Bul eseptiliktegi qatelik pen álde mektepke deıingi mekemege kezekke turý jáne baǵyttama alýdy bekitý jónindegi memlekettik qyzmetterdiń esepke alý júıesindegi kemshilik pe?», - dedi ol búgin Májilistegi mektepke deıingi oqytý qyzmetiniń sapasy men qoljetimdiligin arttyrý taqyrybyndaǵy dóńgelek ústel otyrysynda.

Onyń atap ótýinshe, 2015 jylmen salystyrǵanda 3-6 jas aralyǵyndaǵy balalardy mektepke deıingi mekememen qamtý ósimi respýblıka boıynsha 4,2 paıyzdy quraǵan.

«807170 bala mektepke deıingi bilimmen qamtylǵan. Bul 3-6 jas aralyǵyndaǵy  balalardyń jalpy sanynyń 65,8 paıyzyn quraıdy. Al biz Bilim jáne ǵylym mınıstrliginiń statısıkasyna júginer bolsaq, onda respýblıka boıynsha mektepke deıingi bilimmmen qamtýdyń ortasha kórsetkishi 85,8 paıyz bolyp shyǵady. Bul san qamtylýy tıis balalar sanaty esebinen shyǵyp otyr», - dedi Jumadildaeva.

---