![Mektep: Bilimniń Mekeni - Qazaqsha taqpaq, óleń](http://infohub.kz/uploads/thumbnail/20240506122941789_big.jpg)
- 20 mam. 2024 09:32
- 674
Mektep: Bilimniń Mekeni - Qazaqsha taqpaq, óleń
Mektep: Bilimniń Mekeni
Mektep degen bilim keni, jyr keni,
Mektep degen ǵylymnyń eń úlkeni
Mektep degen tárbıeshi adamǵa
Mektep degen danalardyń mekeni.
Mektep, mektep, meniń jarqyn kóńilim.
Mektep, mektep, shattyq toly ómirim.
Mektep, mektep, ánim bolyp tógildiń
Mektep, mektep, anam bop ta kórindiń.
Belqopa orta mektebiniń 4 synyp oqýshysy: Amankeldına Shattyq Nurbekqyzy
Mektebim meniń mektebim
Saǵynyp ańsap jetemin
Mektebim seni kútemin
Seni oılap ótemin.
Mektep, sensiń adaldyqty úıretken,
Mektep, sensiń jamandyqty kúıretken.
Mektep sensiń jaqsylyqty uran qyp,
Mektep, sensiń meni jurtqa syıly qyp.
Ómirge azyq mol syıyń,
Qushaǵy qutty nurly uıam.
Mektebim meniń — óz úıim,
Sanama kúnde nur quıǵan.
Mektebim — altyn uıam, qut bosaǵam,
Bilimge bastaý aldym osy aradan.
Jalyqpaı tabasyń dep sen úırettiń
Sheshýin qıyndyqtyń tosar aldan.
Mektebim — jumbaq baǵym, qutty meken,
Ushyrsań kókke samǵap men de ketem.
Anamnyń qushaǵyndaı eljireter,
Shýaqty sendeı sulý jer bar ma eken?
Keledi ustazdyqty tańdap alǵym.
Ustazym kóńiliń aq, peıiliń keń,
Darqandyǵyń shegi joq dalamen teń.
Ár sózińmen zerdeme óziń quıdyń
Qazaqtyń qasıetti danalyǵyn.
Damylsyz sharlap, bilim oı — armanyn,
Ózińnen jaqyn adam taba almadym.
Aq juldyzdaı jaryq shashqan túndegi,
Nur sáýlesin tóger ustaz júregi.
Bolashaqqa sol júrekten ót alyp,
Samǵaı bersin shákirtterdiń tizbegi.
Ólkemizdiń aınalsyn órkenine,
Senimderiń aınalsyn serperine.
Ustaz bitken tileıdi aqtarylyp,
Tek sáttilik elimniń erteńine.
Bilimniń qaınar bulaǵy,
Ónerdiń jarqyn shyraǵy.
Turaǵy óziń, mektebim,
Shákirttiń asyl qyraǵy.
Mektebim — máńgi bapkerim,
Qaryzbyz saǵan bárimiz.
Ózińe degen paryzdy,
Aqtaımyz talaı áli biz.
Ulylyqty ardaq tutar únemi,
Altyn uıa, aq bosaǵa kıeli,
Qanat qaqqan bilim alyp ózińnen,
Kúlli shákirt saǵan basyn ıedi.
Táýelsiz Qazaqstan baıtaq jerim,
Qýanysh qushaǵynda búgin elim.
Balalar amanatyn alǵa tartar,
Jas urpaq aldaryńda mine, búgin.
Boılarynda ot bar eken baıqadym,
Júrekterde shoq bar eken baıqadym.
Árqashanda osy shoqty óshirmeı,
Jalyndatyp sharyqtańdar árdaıym!
«Aqtóbe orta mektebi» MM 3 «A» klass oqýshysy Serıkov Arsen Nýrkeldıevıch
Klass jetekshisi: Mahanova Baıan Amanbaevna
Mektebim meniń ádemi,
Klasym keremet edi.
Mektebim anam sekildi,
Maǵan bilim beredi!
bastaýyshpen koshtasý takpaktar, takpak bastaýyshpen qoshtasý, mektep týraly takpak, mektep týraly taqpaqtar, mektep týraly takpaktar