InfoHub Logo

Astana qalasy
«Altyn dán» balabaqshasy MKQK
Balabaqsha ádiskeri:
Eshmýhanova Aqmaral Amanjolovna

 

Durys jolǵa qoıylǵan dene shynyqtyrý oıyndary oqý-bilim alýǵa bóget emes, qaıta boıdy sergitip, oıyńa járdem etetin nárse.

Ǵabıt Músirepov

Qazirgi kezde qoǵamnyń ómirindegi túbirli ózgeristerge baılanysty bilim júıesinde onyń mazmuny men oqytý tehnologıasynda da ózgerister bolyp jatyr.

Elbasy N.Á. Nazarbaevtyń elimizdiń halqyna joldaýynda rýhanı baılyqtyń, densaýlyqtyń qajettiligin aıtqanyndaı, jas urpaqtyń boıyna tazalyq pen sergektikti, salaýatty ómir qundylyqtaryn engizý − bizdiń mindetimiz. Sondyqtan bala densaýlyǵyn nyǵaıtyp, psıhologıalyq saqtandyrýdy júzege asyrý jáne onyń nasıhattaý sharalaryn belsendirek júrgizý balabaqshadan bastalǵany abzal.

Maqsaty: Balalar densaýlyq saqtaýǵa jáne nyǵaıtýǵa arnalǵan is-sharalardy júzege asyrý. Uıymdastyrylǵan oqý is-áreketteriniń jumys belsendilikterin saqtaý. Salaýatty ómir salty týraly bilimmen daǵdyny qalyptastyrý. Alǵan bilimderin kúndelikti paıdalana bilýge úıretý.

Densaýlyq bolý úshin tórt birdeı shart qajet:

1 shart: Eńbek

2 shart: Júıeli tamaqtaný

3 shart: Salmaqtyń turaqtylyǵy

4 shart: Shynyǵý

Jeke tulǵanyń damýy úshin mektepke deıingi kezeń eń qolaıly kezeńi bolyp sanalady, sebebi oqý-tárbıe úrdisin salaýattandyrý maqsatyn júzege asyrýda, balalardyń jeke psıhologıalyq, fızıologıalyq densaýlyqtaryn saqtaýdy eskerý asa mańyzdy.

Myqty densaýlyqtyń, deneniń durys jetilýiniń, joǵary jumys qabiletiniń negizi naq osy mektep jasyna deıingi balalyq shaqta qalanady, qozǵalys qyzmetiniń qalyptasýy, sondaı-aq dene qasıetteriniń bastapqy tárbıesi de osy jyldarda ótedi.

Deni saý bala tipti qarap otyra almaıdy. Biraq, bala ne isteýdi, qalaı isteýdi bilmeıdi. Sondyqtan ol eresek adamdardan ónege alady. Balany óz kúshine sendirip úıretý kerek. Bala esh ýaqytta issiz otyra almaıtyn bolǵandyqtan oǵan ylǵı paıdaly is berip otyrý kerek. Paıdaly ispen aınalysqan bala óz betimen jat qylyqtarǵa ádettenbeıdi.

Qımyl-qozǵalysyn damytyp, qozǵalmaly oıyndar oınatyp, kún tártibinde kórsetilgen serýen, oıyn, tamaq, oqý is-áreket, uıqy kezeńderin múltiksiz oryndaý kerek.

Sonymen qatar bala tamaǵynyń jaqsy bolýy, qundylyǵynyń artýy mindetterdiń biri bolyp esepteledi. Bala aǵzasynyń taza ári densaýlyǵynyń jaqsy bolýy tamaqtanýǵa, kúndelikti qoldanatyn tamaq quramynda qajetti dárýmenderdiń kóp bolýyna, tamaq túrlerine baılanysty. Bala aǵzasy ósken saıyn óz qajetinshe dárýmender alýy qajet.

Balalarymyzdyń deni saý bolyp óssin desek, biz bala tárbıesinde serýenge asa mán berýimiz kerek. Taza aýadaǵy serýen balanyń densaýlyǵyn jaqsartyp, denesin shynyqtyrady. Daladaǵy serýen balanyń shıraq qımyldap, jan-jaqty damýyna kómektesedi. Jaz aılarynda barlyq saýyqtyrý sharalaryn dalada taza aýada ótkizgen jón. Balany jyldyń qandaı aýa raıy bolsyn serýenge shyǵarǵan abzal. Aýladaǵy qural-jabdyqtar, oıyn áreketine arnalǵan oıynshyqtar balanyń jasyna saı bolýy kerek.Deni saý ishki jan dúnıesi saý adam − baqytty adam, ol ózin óte jaqsy sezinedi, ózin-ózi odan ári jetildirýge, damyta túsýge tyrysady, jan dúnıesiniń sulýlyǵyn asha biledi.

Mektep jasyna deıingi balalar ózderiniń is-áreketterine ata-analarynyń qatysqanyn unatady. Oıyn − balanyń eńbegi, sondyqtan óz eńbeginiń jemisine ata-analarynyń qatysyp, birge bóliskeni bala úshin úlken qýanysh. Sonymen qatar jazǵy saýyqtyrý kezeńdegi uıymdastyrylǵan serýen, saıahattarǵa birge baryp, óz kómekterin beredi.

Árbir ata-ana óz balasynyń densaýlyǵy myqty, qaıratty azamat bolyp ósýin qalaıdy. Sondyqtan mektep jasyna deıingi bala densaýlyqtaryn nyǵaıtyp, psıhologıalyq saqtandyrýdy júzege asyrýda balabaqsha men otbasy birlesip jumystaný qajet.

 

Kútiletin nátıje:

- Balalardyń dene symbaty saqtalady

- Densaýlyq eń basty qundylyq ekenin túsinedi

- Balanyń baǵdarlamany ıgerý deńgeıi ósedi

- Kóńil-kúıleri kóterilip, qyzyǵýshylyq qabiletteri artady

- Sanasynda ómirge degen qulshynys, ózgeni syılaý sıaqty adamgershilik qasıetteri damıdy

- Úlkender jáne óz qataryndaǵy qurbylarmen iskerlikteri shyńdalady

- «Óz densaýlyǵym óz qolymda» túsinigi qalyptasady.

---