InfoHub Logo

Mamandyq tańdaý jolynda men kóp ýaqyt oılandym. Bir bilgenim, meniń mamandyǵym tek ǵylymmen baılanysty bolý kerek, sebebi dál tilge meniń qyrym joq bolatyn. Ata-anam mamandyq pen ýnıversıtet tańdaýdy óz erkime berdi. Jarty jyl boıy men tanystyrymnan qaladaǵy ýnıversıtetter týraly, mamandyqtar týraly surastyryp júrdim. Bolashaq mamandyǵyń ómirińniń máni de sáni bolýy tıis, ol seniń erteń kún kóris kóziń bolady, sondyqtan, ony tańdar aldynda aqylǵa salǵan jón. Ýnıversıtet tańdaǵanda da esh qınalǵan joqpyn. Naǵyz bilimdi, ýaqyt synaǵynan ótken Ál- Farabı atyndaǵy qazaq ulttyq ýnıversıtetinde ǵana alýǵa bolatynyna senimdi boldym. Mamandyq tańdaýda kóp oılandym. Internetke kirip, kóp zerttedim. Sodan bir kúni, hımıa fakúltetiniń saıtynan óz kóńilimdegi qalaýymdy taptym, maǵan saraptama isi jáne analıtıkalyq baqylaý qatty unaıtyn, sol sebepten osy mamandyqqa túsýdi qatty qaladym. Ulttyq Birińǵaı Testileýdi tapsyryp, Qazaq Ulttyq Ýnıversıtetiniń stýdenti atandym. Qýanyshym qoınyma syımady. Endigi maqsatym óz salamnyń úzdik mamany bolý jáne stýdenttik ómirimdi qyzyqty ótkizý.

Meniń QazUÝ stýdenti atanǵanyma úsh aıdyń kólemi bolsa da men ózime jaqyn ortany, uıymdy jáne de ózime ystyq adamdardy taptym. Onyń biri men qataryna qosylǵan “Stýdenttik Compliance” uıymy. Bul uıym endi qurylyp jatsa da, quramyndaǵy ár fakúltetterdiń belsendi qyz- jigitteri keshe ǵana ótken eń alǵashqy jobasyzdyń óte joǵary deńgeıde bolýyna belsene atsalysty, onyń biri árıne men. Bul Compliance uıymy bizdiń bolashaq jastarymyzǵa jemqorlyqpen kúresýge jol kórsetedi. Men de osy aǵa- ápkelerim sekildi durys joldy tańdadym dep senemin. Uıymdaǵy jandarmen ýaqytymyz óte qyzyqty ótedi, ártúrli is- sharalarǵa qatysamyz, joba jasaýdaǵy daıyndyǵymyzdyń ózi bizge kóptegen estelikter qaldyrady. Men aldaǵy tórt jylymdy osy ózime jaqyn, ystyq jandardyń janynda ótkizgim keledi.

Ál-Farabı atyndaǵy QazUÝ “Hımıa jáne hımıalyq tehnologıalar” fakúlteti

1 kýrs stýdenti Kabıeva Dınara

Aǵa oqytýshy Qaıraqbaeva G. S. Jetekshiligimen

---