Myń toǵyz júz otyzynshy...
Myń toǵyz júz otyzynshy,
Fevraldiń bir jetisi,
Júrekke salǵan ot sónbeı.
Altynshy ıýl tym aýyr kún,
Bolyp maǵan qarańǵy tún,
Bulardy mutpaımyn ólmeı.

Birinde kep Ǵafyrdy aldy,
Balasy da qosaqtaldy,
«Sen qalma,– dep,– kógendelmeı».
Múlik-malyn túgel alyp,
Ekeýin túrmege salyp,
Biraz ǵana aıal bermeı!

Jetisinde ózimdi aldy,
Sypyryp úı, jasaý-maldy,
Keter me oıdan ólim kelmeı!
Onynda meni shyǵardy,
Úı tutqyn qyp, qaǵaz aldy,
«Jatasyń,– dep,– is jóndelmeı».

Ǵafyrdy alyp Semeı bardy,
Ekeýin túrmege saldy,
Podsýdom dep, bir teksermeı.
Abaqtyda bes aı ótip,
Iýldiń altysy jetip,
Ǵafyr óldi ataqty erdeı.

«Jazasyzǵa janym qurban»,–
Dep, osy oımen baýyzdalǵan,
«Ketem,– dep,– qorlyqqa kónbeı!»
Ádeıi Allaǵa ketken,
Shahıttikke qoly jetken,
Bu jalǵanǵa kóńil bólmeı!

Sezdirmegen esh joldasqa,
Ne balasy, ne dostasqa,
Muny qalǵan adam kórmeı.
Aldyna qoıǵan ol legen,
Sol qolyn jerge tiregen,
Oń qolymen báki sermeı!

Bir tartqanyn bireý kórip,
Kúre qıǵan taǵy oryp,
Aǵyzyp qan qyzyl seldeı!
«Bu ne?!» – dep, joldasy jetken,
«Ózim»,– dep ısharat etken,
Alys jolǵa jónelgendeı.

Ádiletsiz balamdy aldy,
Bir ul men tórt qyzy qaldy
Enesi ólgen jetim tóldeı!
Ata-ana men baýyrlary,
Balalar men qosaq-jary
Aǵyzdy kóz jasyn kóldeı!

Aǵaıyn, kórshi, dos, quda,
Ǵafyr dep zarlady bu da,
Jıylyp kep oshar eldeı!
Áketkenge, mini, búgin,
Tolyp bir jyl jetinshi tún,
Óte shyqqan ómir jeldeı!

Sen ótkenge jeti aı boldy,
Sony oılap sabyrym óldi,
Jaman tamym bolyp kórdeı!
Bilmedim, qaıǵy ma, jyn ba?
«Búgin bar,– dedi,– osynda»,
Sıqyrshy úshkirgen jeldeı!

Shydap, ishke tolyp jalyn,
Mini shyqty bolyp saryn,
Aýlaqta zarlap ımenbeı.
Ana kúni túsime endiń,
Aq kúmbezden túre keldiń,
Taıaý turdyń esik-tórdeı!

Ótkeniń tur kóńilimde,
Bizge ermes ólik dep múlde,
Júziń tur beıne kúlgendeı!
Halyqqa birdeme dediń,
Qýanyp mutqanym meniń,
Túsimdi óńim dep, senbeı!

Sheshildi sol túsim endi,
Depsiń sen «fevral keldi»,
Mutyppyn men esime enbeı!
Osy fevral, osy túsim,
Qabat kelip jaryldy ishim,
Júrekke qanjar ilgendeı!

Osyny oılap, aǵyp jasym,
Sý bop qaǵaz, qaryndashym,
Neshe buzyp, neshe jóndeı!
Iesiz tamym bolyp mola,
Sabyrym ketti bir jola.
Otyrmyn jazýym ónbeı!

Qaraǵym, momynym, Ǵafyr,
Búgin bolyp ákeń paqyr,
Qoıa almady bir kúńirenbeı!
Qulynym qosh, baqytty bol,
Jańa fevral, altynshy ıýl
Mutylmaıdy meni kómbeı!
Ol aı kelse, osy jyrym
Túsirer oıǵa ár birin,


You Might Also Like