InfoHub Logo

«Móldir bulaqtan» atty otbasylyq saıys senarıi.
1 - júrgizýshi: Qaıyrly kún ustazdar, ata - analar, qurmetti shákirtter!
2 - júrgizýshi: «Móldir bulaqtan» atty otbasylyq saıysymyzǵa hosh kelipsizder!
1 - júrgizýshi: Maqsatymyz: Otbasylyq qarym - qatynasty nyǵaıtý, otbasynyń qoǵamdyq roli men bedelin arttyrý, áleýmettik jetimdiktiń aldyn alý.
2 - júrgizýshi: Balaǵa sińirgen ata - ana eńbegin bala ómir boıy aqtap bola almaıdy.
Balaǵa degen mahabbatqa eshbir mahabbat teńdese almaıdy, ol óle - ólgenshe sónbeıtin mahabbat.
(Ǵabıt Músirepov)
1 - júrgizýshi: Jaqsydan jaman týady
Bir aıaq asqa alǵysyz
Jamannan jaqsy týady
Adam aıtsa nanǵysyz.
Balanyń bas ustazy – ata - ana. «Uıada ne kórseń, ushqanda sony ilersiń» degen dana sóz bar.
«Balapan qyran bolý úshin ony samǵatyp, ushyratyn ata nemese áke de qyran bolý kerek» dep otbasylyq tárbıege erekshe toqtalǵan. Ár otbasynda ata - ananyń orny bólek. Bala ákeden aqyl, anadan meıirim alady. Áke otbasynyń asyraýshysy, qamqorshysy, tiregi dep bilsek, ana otbasynyń uıytqysy, jylýy, shýaǵy, jaqsy ana otbasyna bereke ákelip, januıasyn baqytqa bóleıdi. Ata - anaǵa baladan artyq eshkim joq. «Bala adamnyń baýyr eti» degen sóz bar. Sondyqtan, qaı ata - ana bolmasyn, balasynyń bilimdi, parasatty, mádenıetti, tártipti, ádepti bolýyn qalaıdy. «Bala ómirdiń jalǵasy, kóz qýanyshy, shańyraq ıesi» dep urpaq tárbıesine kóp kóńil bólgen. Janǵan otyn sóndirmeı, tútinin tútetetin artyna urpaq qaldyrýdy kózdegen. Ata - ana balasy úshin eń birinshi úlgi tutar adam, ózin kóretin aınasy. Sondyqtan búgingi saıysymyzda synǵa túser úmitkerlerimizdi sahna tórine shaqyramyz.
1 - júrgizýshi: Aldaryńyzǵa ------------------- otbasyn shaqyramyz.
2 - júrgizýshi: Aldaryńyzǵa ------------------- otbasyn shaqyramyz.
Qarap turmaı saıysymyzǵa erińiz
Otbasyna ádil sheshim berińiz.
«Júzden júırik, myńnan tulpar» shyǵar degen
Saıyskerlerimizge ádil sheshim berińiz.
1 - júrgizýshi: Saıysymyzda ádil baǵa berer qazylar alqasymen tanystyryp óteıik.
-------------------------------
1 - júrgizýshi: Endi saıysymyzdyń shartymen tanystyryp óteıik.
1. Ózin - ózi tanystyrý
2. Qolóner saıysy
3. Suraq - jaýap
4. Sporttyq januıalar saıysy
5. Maqal - mátel saıysy
6. Óner saıysy
2 - júrgizýshi: Baǵalaý júıesi bes baldyq eseppen ashyq túrde baǵalanady.
1 - júrgizýshi: Ata - anadaı qamqor bolmas ómirde,
Sanalyq bar ósip - óngen bilimde.
Sharapat al janyńa kúlim kúnige
Elim óser qarap - aq bilimdige.

2 - júrgizýshi: Aldaryńyzǵa alǵashqy shartymyz boıynsha -------------------------- otbasyn shaqyramyz.
1 - júrgizýshi:---------------------------- otbasyn shaqyramyz.
«Áke kórgen oq jonar, sheshe kórgen ton pisher» demekshi, kelesi kezekti qolóner saıysyna beremiz.
Baqytty otbasy bolýdyń negizgi shartyna neni jatqyzar edińiz?
Bala tárbıesi úshin otbasy jaýapkershiligi basym ba, álde mekteptiń jaýapkershiligi basym ba?
Balanyń ómir jolyndaǵy áke men ananyń orny qandaı?
Otbasynda bos ýaqytty qalaı paıdalanasyzdar?
Tárbıe adamnyń taǵdyryn sheshedi deıdi, siz qalaı túsinesiz?

1 - júrgizýshi: Ata - ana jany jazǵy nur
Sendersiń jolyn jalǵar shyń
Syr toly mynaý sazdy jyr
Solarǵa endi arnalsyn
Án: «Ákeme». Oryndaıtyn: ---------------------
2 - júrgizýshi: Kelesi kezekte sporttyq saıys. Sahna tórine úmitkerlerimizdi shaqyramyz.
1 - júrgizýshi:--------------------- otbasy
2 - júrgizýshi:--------------------- otbasy

Maqal - sóz atasy
(Aıaqtalmaǵan maqal - mátelderdi jalǵastyrý)
Bala jas shybyqty qalaı ıseń, solaı ıedi.
Bala jaqsy bolsa qýanysh, jaman bolsa kúıinish.
Balapan uıada ne kórse, ushqanda sony iledi.
Ákege qarap ul óser, sheshege qarap qyz óser.