Nápsi ajdaha
Dúnıe, oılaı bersem, jalǵan deıdi,
Árkim di álekke tek salǵan deıdi.
Dúnıeni óle-ólgenshe qýyp-qýyp,
Aýyzy ańqıyp [qur bosqa] qalǵan deıdi.

Hıkaıat sóz bastaıyn áýel bastan,
Bul kúnde júırik qaıda taptan asqan?!
Sózim di qup tyńdaıtyn ǵazız bolsa,
Hıkaıat sóz jazaıyn biraz dastan.

Zamandy jyldan-jalǵa qýlandyrdy,
Boıyńdy altyn-kúmis býlandyrdy.
Kelgende júz-toqsanǵa bir ólim bar,
Kózińdi áli-aq bir kún sýlandyrdy.

Dúnıeden neshe-neshe ótti-aý jandar,
Qudaıdan zar jylaıdy qoryqqandar.
Keýdemde túrli-túrli ýaqıǵam bar,
Aıtaıyn, tyńdasańyz, jarandar!

Ótipti bizden buryn Mursaldary,
Dúnıeden ótpeımin dep sonyń bári.
Qyzyǵy bir kúngideı bolmaıdy eken,
Patshalyq, taqta turyp, qursań-daǵy!

Arasy – topyraq pen altyn, kúmis,
Aǵashtyń bárine de bitpes jemis.
Bireý-baı, bireý-jarly, bireý-kárip,
Dúnıeni jaratqan joq tipti tegis.

Altynnan jer astynda kim ge paıda?
Dúnıede ajal kelse, bolmas aıla,
Bolmaǵyń jaqsy-jaman Qudiretten,
Shóp shyqpas, sý júrmese tereń saıǵa!

Biz-túlki, ajal búrkit qoımaıtuǵyn,
Nápsimiz- bir ajdaha toımaıtuǵyn.
Kúnámyz- myqtap tıgen ol- bir kıim ,
Nársege odan basqa bolmaıtuǵyn!

Tilimiz- ótkir qylysh qoıǵan qaırap,
Jutady otyz tisiń, nápsiń shaınap.
Tamyryń alpys eki-jip sekildi
Bekitip dúnıeni qoıǵan baılap!


You Might Also Like