- 15 sáý. 2015 00:00
- 176
Pisken men shıki
Baı men jarly balasy ańǵa shyqty,
Jalań qaǵyp jarap tur aty myqty.
Jortyp júrgen túlkini kórdi-daǵy,
Qýyp baryp eriksiz inge tyqty.
Ekeýi keldi shaýyp atty qystap,
Túlkini alamyz dep otpen ystap.
«Shylbyrynan arqandap atty otqa qoı,
Toıyp qalsyn bolǵansha biz jumystap».
Jazym bolar dese de bolmaıdy bir,
Jarly baıǵus, qaıtsyn-aı, unamaı júr.
Baıy aıtqan soń amalsyz arqandady,
Anda-sanda bir úzip eleńdep tur.
Ot jaǵyp, ystap edi tútin salyp,
Eki at úrkip jóneldi úzip alyp.
Túlkiń qursyn, aırylyp kóliginen,
Sandaldy eki bala jaıaý qalyp.
Baıbatshasy júgirdi tura sala,
– Toqta,– dedi myrzaǵa atshy bala.
– Attan da, túlkiden de aırylmalyq,
Men ustaıyn, sen túlkini ystap qara.
Aqyryn kelip edi lyqylyqtap,
Quıryǵyn tigip aldy shıyrshyqtap.
Jelikken at jelge ermeı toqtasyn ba,
Oıyn salyp ustatpaı ketti zyptap.
Qaıta kelse, baı otty jaǵa almaı tur,
Otyny joq bir shoqty úredi qur.
Otyn salyp, jarly ystap túlkini aldy,
– Endi ne bar, aıańdap aýylǵa júr.
Ekeýi elge qaraı júrdi entelep,
Myrzasy júre almaıdy ýaıym jep.
Qyl shylbyrdyń úzigin aldy jarly,
Bir nársege keregi bolar-aý dep.
Baıbatshaǵa jaıaýlyq jaman batty,
Aıaǵy isip, júre almaı sulap jatty.
Mundaı istiń talaıyn kórgen jarly,
Tastasyn ba myrzasyn, arqalapty.
– Men buryn jaıaýlyqty kórmedim,– dep,
– Búıtip jan qınalǵansha ólmedim,– dep.
Baıbatsha aryzdasty joldasyna,
– Álim ketip, tym qatty shóldedim,– dep.
Joldasy sý izdeıdi zyr júgirip,
Beline eki etegin aldy túrip.
Qudyq shyǵar dedi de jetip keldi,
Úıilgen bir arada topyraq kórip.
Sý shyqqan qudyq eken shyńyraýdan,
Kishi emes topyraǵy tómpesh taýdan.
Etikke belbeýmenen shylbyr jalǵap,
Sý aldy aılamenen áldeqaıdan.
İshkizdi etikpen sý myrzasyna,
Myrzasy rıza boldy syrlasyna.
Kórdiń be, pisken adam ne qylyp júr,
Shıkiniń ne kún týdy bir basyna.
Sýǵa qanyp alǵan soń jeldeı esip,
Ekeýi taǵy júrdi qudaı desip.
Entigip ekindide jetip kelse,
Ketipti kórgen jerden aýyl kóship.
Baı jylady kóre almaı eldiń shańyn,
Kedeı tintip qarap júr jurttyń mańyn.
Sonsha qarap tapqany synyq ıne,
Jáne biraz taspanyń sydyrǵanyn.
Tastamaı aldy bala, o da kerek,
Qarady kósh súrleýin endi erterek.
Soqpaqtan kóshtiń izin taýyp alyp,
Júgirip kún batqansha qaqty dedek.
Ymyrt boldy, qas qaraıyp, kún de batty,
Bir jerge sharshaǵan soń kelip jatty.
Qarnym ashty dep jylap myrza jatyr,
Azar-mazar degende tań-daǵy atty.
Ekeýi jáne júrdi zyr júgirip,
Kez boldy bir ózenge talaı júrip.
Jarly bala ózennen balyq aldy,
Taspany baý, ıneni qarmaq qylyp.
Ot jaqty, balyq pisti, toıyp aldy.
Baıbatsha qýanǵannan ánge saldy.
«Synyq ıne, sydyrym taspa» degen,
Mıras bop keıingige sonan qaldy.
El tapty erteń túste súrleýmenen,
Erinshektik bitedi júrmeýmenen.
Dúnıeniń ashshy-tushshy dámin tatpaı,
Ne boldyń esh nárseni bilmeýmenen?
Ne qyldy, baıqadyń ba, pisken adam?
Qor bolar úıde otyryp ósken adam.
Qıalap qıyn jerde sol ozady,
Kóp jol kórip, basyna is túsken adam.
Jalań qaǵyp jarap tur aty myqty.
Jortyp júrgen túlkini kórdi-daǵy,
Qýyp baryp eriksiz inge tyqty.
Ekeýi keldi shaýyp atty qystap,
Túlkini alamyz dep otpen ystap.
«Shylbyrynan arqandap atty otqa qoı,
Toıyp qalsyn bolǵansha biz jumystap».
Jazym bolar dese de bolmaıdy bir,
Jarly baıǵus, qaıtsyn-aı, unamaı júr.
Baıy aıtqan soń amalsyz arqandady,
Anda-sanda bir úzip eleńdep tur.
Ot jaǵyp, ystap edi tútin salyp,
Eki at úrkip jóneldi úzip alyp.
Túlkiń qursyn, aırylyp kóliginen,
Sandaldy eki bala jaıaý qalyp.
Baıbatshasy júgirdi tura sala,
– Toqta,– dedi myrzaǵa atshy bala.
– Attan da, túlkiden de aırylmalyq,
Men ustaıyn, sen túlkini ystap qara.
Aqyryn kelip edi lyqylyqtap,
Quıryǵyn tigip aldy shıyrshyqtap.
Jelikken at jelge ermeı toqtasyn ba,
Oıyn salyp ustatpaı ketti zyptap.
Qaıta kelse, baı otty jaǵa almaı tur,
Otyny joq bir shoqty úredi qur.
Otyn salyp, jarly ystap túlkini aldy,
– Endi ne bar, aıańdap aýylǵa júr.
Ekeýi elge qaraı júrdi entelep,
Myrzasy júre almaıdy ýaıym jep.
Qyl shylbyrdyń úzigin aldy jarly,
Bir nársege keregi bolar-aý dep.
Baıbatshaǵa jaıaýlyq jaman batty,
Aıaǵy isip, júre almaı sulap jatty.
Mundaı istiń talaıyn kórgen jarly,
Tastasyn ba myrzasyn, arqalapty.
– Men buryn jaıaýlyqty kórmedim,– dep,
– Búıtip jan qınalǵansha ólmedim,– dep.
Baıbatsha aryzdasty joldasyna,
– Álim ketip, tym qatty shóldedim,– dep.
Joldasy sý izdeıdi zyr júgirip,
Beline eki etegin aldy túrip.
Qudyq shyǵar dedi de jetip keldi,
Úıilgen bir arada topyraq kórip.
Sý shyqqan qudyq eken shyńyraýdan,
Kishi emes topyraǵy tómpesh taýdan.
Etikke belbeýmenen shylbyr jalǵap,
Sý aldy aılamenen áldeqaıdan.
İshkizdi etikpen sý myrzasyna,
Myrzasy rıza boldy syrlasyna.
Kórdiń be, pisken adam ne qylyp júr,
Shıkiniń ne kún týdy bir basyna.
Sýǵa qanyp alǵan soń jeldeı esip,
Ekeýi taǵy júrdi qudaı desip.
Entigip ekindide jetip kelse,
Ketipti kórgen jerden aýyl kóship.
Baı jylady kóre almaı eldiń shańyn,
Kedeı tintip qarap júr jurttyń mańyn.
Sonsha qarap tapqany synyq ıne,
Jáne biraz taspanyń sydyrǵanyn.
Tastamaı aldy bala, o da kerek,
Qarady kósh súrleýin endi erterek.
Soqpaqtan kóshtiń izin taýyp alyp,
Júgirip kún batqansha qaqty dedek.
Ymyrt boldy, qas qaraıyp, kún de batty,
Bir jerge sharshaǵan soń kelip jatty.
Qarnym ashty dep jylap myrza jatyr,
Azar-mazar degende tań-daǵy atty.
Ekeýi jáne júrdi zyr júgirip,
Kez boldy bir ózenge talaı júrip.
Jarly bala ózennen balyq aldy,
Taspany baý, ıneni qarmaq qylyp.
Ot jaqty, balyq pisti, toıyp aldy.
Baıbatsha qýanǵannan ánge saldy.
«Synyq ıne, sydyrym taspa» degen,
Mıras bop keıingige sonan qaldy.
El tapty erteń túste súrleýmenen,
Erinshektik bitedi júrmeýmenen.
Dúnıeniń ashshy-tushshy dámin tatpaı,
Ne boldyń esh nárseni bilmeýmenen?
Ne qyldy, baıqadyń ba, pisken adam?
Qor bolar úıde otyryp ósken adam.
Qıalap qıyn jerde sol ozady,
Kóp jol kórip, basyna is túsken adam.