Qazaqtyń jamany bolmas,
Jamannan amany bolmas.
Birigip is qylatuǵyn,
Túzeler zamany bolmas.

Bul elde adaldyq bar ma,
Ondaıyn baıqadyńdar ma?
İsteıdi neni de bolsa,
Nadanǵa aramdyq ar ma?

Ar satar shaıǵa da bolsa,
Bir asam maıǵa da bolsa.
İzdenip tabady, jeıdi
Aramdy qaıda da bolsa.

Jýany qylady zorlyq,
Momynnyń kórgeni – qorlyq.
Tep-tegis qýlyq pen urlyq,
Al endi qaıtip el boldyq?

---