Qosh‚ jurtym
Sharlaısyń, oıym, sharlaısyń,
Alystan meni barlaısyń.
Taıaý tur ajal aldyńda,
Sarynǵa salyp sarnaısyń,
Maqsutyń ne endigi?

Bostandyq tańyn kórgenim –
Kemelime kelgenim.
Qorqytpaıdy meni ajal,
Arman emes ólgenim,
Keıiter istiń kemdigi.

Qalǵan qarańǵyda elim,
Oılap tolǵaýmen synatuǵyn meniń belim.
Bul altyn tańnyń atqan nurynan
Tur ese ala almaı erim.

Qazaqtyń jaınar dalasy,
Jetiler oqyp balasy.
Shoshytatyn meni sol –
Olardyń kúndes, talasy,
Daǵdysy sińgen boıyna.

Tastańdar kúndes, maqtanyn,
Kórgen soń tańnyń atqanyn,
El bastaıtyn jastarym,
Jón emes jaı jatqanyń,
Nur quımaı eldiń oıyna,

Basta adal jolǵa eldi!
Eńbek janatyn zaman mynaý, erlerim keldi,
Qosh, armanym joq‚ jurtym, jasarsań,
Men sapar shegem endi!


You Might Also Like

Jańalyqtar

Jarnama