Túnge karaı,
Túısik salyp,
Tań atqansha ne bolady?!
(Ony qaıdan bileıin)
Búkil adam balasyna tek jaqsylyq tileıin,
Ortasynda solardyń men,
Oınap-kúlip júreıin.
Maýjyraǵan kúlli álem,
Jaqsy jatyp, jaı tursyn.
Adamzattyń tósegine,
Tóńkerilgen Aı tunsyn.
Qylaýy joq, qystary appaq,
Aman-esen maı týsyn,
Tańsáride, Adamzatqa,
Arnap gımn aıtylsyn!
Meniń myna Ǵasyrymnyń kezinde,
Bir jaqsylyq,
Tynym almaı, jerdiń betin kezýde.
Kútýde ony kútýde ony,
Kúlli ǵalam tózýde.
Aqyrynda toǵysady,
Sezimder kep sezimge!
Adamzat pen tabıǵattyń,
Taýsylmaıdy qoregi.
Qaıyrymsyz qara tas ta,
Óz jemisin beredi.
Qul bolmaspyz, qundaqtaıyq,
Áldıleıik bárimiz,
Tynyshtyq dep atalatyn sábı ósip keledi.
Úreımenen ótedi ylǵı tunjyraǵan túnderim
Sol sábıdi áldılegen adamzatpen birgemin.
Qarǵys atsyn!
Atsyn qarǵys!
Túnge aınalyp kúnderi,
Sol sábıdi uıqysynan shoshytsa eger,
Kimde-kim!

---