Sabylyp keldi mine, sáýir aıy,
Sáýir aıy - qazaqtyń táýir aıy.
Jylaıdy da turady jylańqy bult,
Bara jatyr ne bolyp aýa raıy?!
Aq nóser, ótkinshisi - bári daıyn,
Sabyltyǵa kelgen myna sáýir aıyn,
Qutty kórip, dıqandar quptaǵanmen,
Malshylar salyp otyr saryýaıym
Jylap tur, jylańqy bult sabylyp tur,
Saǵynyp tur kún nuryn, jabyǵyp qyr.
Birde jaýyn, birese qarǵa aınalyp,
Sáýir aıy malshyǵa qaǵynyp tur.
Shopan júr malymenen, kópten bólek,
Tópep tur,keler emes kókten kómek.
Sáýir aıyn syqpyrtyp, sybaıdy kep,
- Qurǵyrdyń túbi túsip ketken be?! -dep
Oıynda - ári ashý, ári ýaıym,
Áıteýir ońdyrǵan joq sáýir aıyn.
Sáýir aıy - malshyǵa saryýaıym,
Malmen birge baǵady aýa raıyn...

---