Sham Senen jaryqpyn dep kúnáli bop...
Sham Senen jaryqpyn dep kúnáli bop,
Sondyqtan túsken onyń tiline shoq.
Aına Senen asylmyn degen úshin,
Darǵa asylyp, basyna qadalǵan oq.

Bútin álem baılanǵan sıqyryńa,
Men jyndandym asyq bop sol nuryńa.
Shirik ıman, shyqqan jan arman emes,
Qolymdy bir tıgizseń burymyńa.

Nurǵa baısyń, nuryńnan zeket – paryz,
Men kedeımin, nur surap qyldym aryz.
Bir qarasań, tiriler óli denem,
Qaramasań, moınyńda keter qaryz.

Qyzyrdyń máńgi sýyn sıa qylyp,
Tamam túndi saýyt qyp qoısam quıyp.
Osy dúnıe tozǵansha jazsam-daǵy,
Bitire alman ernińniń syryn bilip.

Náreste, jas kúnásiz, kún men aıym,
Etegińe qol tıse, adaspaıym.
Jaratqannyń qudireti tolyqtyǵyn,
Seniń minsiz nuryńnan baıyptaıym.

Muny meńireý tabıǵat jarata almas,
Deımin de tereń oımen sony oılaıym.
Sondyqtan jan, ımanym bir sen úshin,
Meıliń sók, meıliń una, osy jaıym.

Júz paıǵambar muǵjıza kórsetse de,
Seni kórmeı musylman bola almaıym.
Seniń nuryń túspegen sopylardy,
Beıiske kiredi-aý dep oılamaıym.


You Might Also Like

Jańalyqtar

Jarnama