![Shyǵarma: 4 maýsym — Rámizder kúni (El beınesi – el rámizderi)](http://infohub.kz/uploads/thumbnail/20240527165013548_big.jpg)
- 03 maý. 2024 18:52
- 610
Shyǵarma: 4 maýsym — Rámizder kúni (El beınesi – el rámizderi)
Táýelsizdigin alyp, táı-táı basqan memleketimizdiń aıryqsha belgileri – Tý, Eltańba, Gımn. Ár nyshanda ózindik ómir salty, ereksheligi, muraty bar. Bular tek qana belgiler ǵana emes, qazaq eliniń, qazaq jeriniń qasıetti ıdeıasy. Bul belgilerdi kórgen adam óz erkindigin jáne birligin sezinedi.
Memlekettik Tý
Aspan tekti, kók tústi Týymyz kezdeısoq tańdalǵan joq. Áıgili Arselm kestesi boıynsha, kók tús – adaldyqtyń, kirshiksiz tazalyqtyń, páktiktiń belgisi. Sonymen qatar, kók tús ashyq aspan reńine saı bolǵandyqtan, halqymyzda bul yntymaq pen birlik, turaqtylyq, bereke-baılyq belgisi bolyp sanalady. Týdyń qaq ortasynda kún beınesi máńgilik ómirdi jáne tirshilikti bildiredi. Al qyran – arman, maqsat, murat, azat kún, keń beıne. Munyń bári bir tutasqa aınalǵan kezde zor baqyttyń sımvoly.
Memlekettik Eltańba
Eltańba kógildir tús aıasyndaǵy shańyraq beınesinde beınelengen. Bul – otanymyzdyń oshaǵy, birtutastyǵy, bastaýy. Shańyraqty aınala turǵan ýyqtar kún sáýlesindeı jarqyraıdy. Eki jaǵyndaǵy ańyz ertegilerdegi qanatty pyraqtar táýelsiz Qazaqstannyń máńgilik ómiri men sheksiz damýynyń belgisi. Qazaq jeriniń, kóp ultty eldiń rýhanı baılyǵyn kórsetedi. Pyraqtardyń qanattary bolashaqtyń erteńi jas urpaqtyń armany bıikke samǵaý talaby. Eltańba mańdaıyndaǵy juldyz «Baǵymyz ashylyp – juldyzymyz jana bersin» degen asyl armanymyzdy kórsetedi. Juldyzdyń bes buryshy qazaqtyń keń peıil qushaǵyndaı bes qurlyqqa teńdeı.
Memlekettik Gımn
Elimizdiń mýzykalyq emblemasy – Gımn. Bul – qazaqtyń basqa elderge degen aq nıetti sálem haty. Gımnniń ár sózi – elimizdiń namysy, arymnyń aınasy. Gımndi tek qana estip qana qoımaı, qosylyp aıtqanda boıyńda erekshe bir ulandyq, azamattyq sezim týyndaıdy. Bul sezimdi seziný – úlken baqyt, mańdaıǵa bitken baq.
Osynyń bárin sanasyna qondyra bilgen adam elimizdiń erteńi úshin aıanbaı eńbek etýi, oqyp-bilim alýy, Qazaqstannyń irgetasyn bekitýi sózsiz. Táýelsiz Qazaqstannyń árbir azamaty rámizderdi qurmettep, olardy ulyqtaýy – elimizdiń birligi men turaqtylyǵynyń kepili. Rámizder arqyly biz ózimizdiń tarıhymyzdy, mádenıetimizdi jáne biregeıligimizdi álemge pash etemiz.