![Sulýlyq jetkilikti me?](http://infohub.kz/uploads/thumbnail/20240119214312545_big.jpg)
- 17 naý. 2015 00:00
- 284
Sulýlyq jetkilikti me?
Fransıa ımperatory 3-shi Napoleon óz zamanasynda dúnıeniń eń ádemi áıeli sanalǵan Teba grafınıasy Marıa Evgenıamen úılenýge sheshim qabyldaǵanyn jarıalaǵanynda kópshiliktiń tańdanysymen narazylyǵyn týǵyzdy. Tájirıbeli kisiler bul sheshiminiń durys emestigin aıtty. Al Napoleon aıtylǵan sózderge qulaq aspady jáne bul sheshimin júzege asyrdy. Ekeýi de birin-biri qatty jaqsy kóretin. Ekeýi de tanymal, ádemi, úlken baılyqqa ıe edi. Biraq, birnárse jetispeıtin. Áıeli óte sulý bolǵanymen óte jaman minezdi edi. Evgenıanyń hanshaıym bolýy da, mahabbattarynyń kúshi de, taqtyń qudyreti de bul otbasynyń quldyraýynyń aldyn ala almady. Evgenıa Napoleon úshin naǵyz bas aýrýyna aınaldy. Kúmándar ishinde arpalysqan Evgenıa, Napoleonnyń eń bosamaıtyn kezinde janyna baratyn, eń mańyzdy kezdesýlerin úzetin, aıqaılap, shý shyǵaratyn. Oıyna kelgenin isteıtin, ápkesiniń janyna qashatyn, kúıeýinen shaǵymdanyp jylaıtyn, sońynda Napoleonǵa qaıtyp kelip aıyptaýlaryn jaýdyratyn.
Alyp saltanattyń, záýlim saraıdyń ıesi bolǵan Napoleon, bir sát oılaryn jınaqtaý úshin bir bólme tabýdan qaldy. Áıeliniń teńdessiz sulýlyǵy endi onyń qorqynyshty túsine aınaldy. Buryn onyń júzine qaraǵanynda rahattanatyn Napoleon endi ony kórmegen sátterinde rahattanatyn boldy.
Jaman minezdiń ýly áseri jáne áıel aıqaıy patshany da úıinen qashyrdy.
20 jyl ajyrasý isterimen aınalysqan tanymal advokat bylaı deıdi:
«Er adamdardyń óz úıine erte barýdan qashyp, qańǵyryp ketýleriniń eń mańyzdy sebebiniń úıdegi áıelderiniń yzyńy bolýy ekendigine kýá bolym. Kóp áıelder óz otbasylarynyń mazaryn osylaı qazady...»
Jar tańdaǵanda otbasylyq ómirińizdi baqytty qylý jáne úıińizdi tozaq azabyna aınaldyrmaý úshin, barlyq nárseden buryn áıelde jaqsy minez izdeý kerek. Paıǵambarymyz 1400 jyl buryn otbasy baqytynyń formýlasyn bylaı dep bildirgen:
«Áıel baılyǵy úshin, sulýlyǵy úshin nemese dini úshin alynady. Siz dindar bolǵanyn, jaqsy minezdi bolǵanyn alyńyz! Baılyǵy úshin alǵan, baılyǵyna qaýysha almaıdy. Tek sulýlyǵy úshin alǵandar da sulýlyǵynan maqrum qalady.»