InfoHub Logo

2021 jyldyń 1-shi qyrkúıeginde Qazaqstan Respýblıkasynyń Prezıdenti Q.K. Toqaev Qazaqstan halqyna arnaǵan Joldaýynda: «Sıfrovızasıa – ulttyq básekege qabilettilikke qoljetkizýdiń negizgi quraly. Qazaqstan eýrazıalyq keńistiktiń basym bóliginde sıfrovızasıalyq hab ortalyǵyna aınalýy tıis» dep atap kórsetti. Memleket basshysy eldiń ekonomıkasyn damytý úshin sıfrly tehnologıalardy belsendi endirýdiń mańyzdylyǵyn basa aıtty. Onyń pikiri boıynsha sıfrovızasıa jalpy kásiporyndardyń básekege qabilettiligin arttyrý men turǵyndardyń ómir súrý sapasyn jaqsartý úshin qajet. Shyn máninde búgingi kúni ǵalamtordyń qoljetimdiliginiń artýy saıası aqparat aǵynyn arttyryp ǵana qoımaı, saıası prosesterge qatysý formasyna da birshama ózgerister alyp keldi.

HH ǵasyrdyń ekinshi jartysynan bastaý alǵan zamanaýı komýnıkasıalyq quraldardyń qoǵamdyq ómirge tez qarqynda kirigýi, azamattarǵa áleýmettik-saıası prosester jaıly aqparattar aǵynyn eselep ósirip, azamattyq qoǵam ınstıtýtarynyń rólin arttyrdy. Sońǵy jyldary jastar mádenıeti jahandaný prosesi jaǵdaıatynda kúrdeli transformasıalyq kezeńderdi bastan ótkerýde. HHİ ǵasyrdyń alǵashqy dekadasynda jastardyń áleýmettik-saıası prosesterge belsendi aralasýynda zamanaýı aqparattyq-kommýnıkasıalyq tehnologıalardyń yqpaly artqandyǵy baıqaldy.    

Sıfrly tehnologıalardy jastar arasynda qoldanysy árbir úshinshi azamat «jastar» kategorıasyna enetin Qazaqstan úshin ǵylymı turǵyda zerttelýi tıisti mańyzdy taqyrypqa aılanyp otyr. Sebebi zamanaýı sıfrly tehnologıalar eldiń árbir azamatynyń kúndelikti ómiriniń ajyramas bóligine aınalyp úlgerdi, olar kún ótken saıyn bizdiń ómirimizdiń ár túrli salalaryn kóbirek qamtyp keledi. Atap aıtqanda qazaqstandyq jastar zamanaýı sıfrly tehnologıalardy jyldam ıgerip jatyr jáne atalmysh jahandyq úrdistiń barlyq ıgilikterin qoldanýǵa múmkindik aldy. Oǵan qosa búkil álemde oryn alyp otyrǵan pandemıa saldary jastardyń zamanaýı tehnologıalardy qoldaný aıasynyń keńeıýi men ǵalamtordyń olarǵa tıgizetin yqpalynyń odan ári artýyna septigin tıgizýde.

Zamanaýı tehnologıalardyń saıası komýnıkasıalyq qural retinde keńinen qoldanysqa enýi jastardyń saıası prosesterge qatysý formasyn ózgeriske ushyratyp, saıasat uǵymynyń aýqymy keńeıe túsýde. Bul tehnologıalardyń qoldanys aıasynyń keńeıýi arqyly saıası prosesterde jalǵan aqparattyń, manıpýlıasıalyq, propagandalyq “saıası jarnalmalardyń” jappaı qoldanysqa enýi men taralýy arqyly tek qana jastardy ǵana emes, sonymen qatar jalpy saıası qatysýshylarǵa qıyndyqtar týdyrýda. Sáıkesinshe, saıası prosesterdegi jalǵan aqparattyń kóbeıýi azamattyq qoǵam ınstıtýty, bılik bólinisi syndy mańyzdy demokratıalyq saıası uǵymdarǵa tıgizer qaýip negizderin de joq emes.

Aıtymbetov Núrken, QR BǴM ǴK Fılosofıa, saıasattaný jáne dintaný ınstıtýtynyń jetekshi ǵylymı qyzmetkeri

---