Taý ózeni tentek qoı, tasyp jatyr,
Aq kóbigin aspanǵa shashyp jatyr.
Arǵy jaqqa otaryn ótkize almaı,
Bala shopan aıǵaıǵa basyp jatyr.
Tart! dep edi, ózennen ót dep edi,
Bettemedi kók serke, bettemedi.
Qoılar qaıtsin qoıshynyń yza-kegin,
Tasqa baryp soǵyldy shek degeni.
Qýyp shyǵyp serkeni qoıdan bólip,
Syryq saaty qamshymen soıdy-aý kelip.
Birin-biri panalap, yǵysady,
Kók serkeniń taǵdyryn qoılar kórip.
Dúbin jazbaı dúr etip úrikti de,
Otar turdy, qaltyrap birikti de.
Sorly serke tuzaqqa ilikti me,
«Óldim» dedi saqalyn silikti de.
Qoı mańyrap, shopannyń sybaǵany,
Shyńǵa jetti serkeniń «jylaǵany».
Uıqyly-oıaý maýjyrap qyrda otyrǵan,
Qarǵyp turdy qart shopan, shydamady.
Jetip keldi jeldirtip kúreńimen,
Ashý býy atyp tur reńinen.
Saqaldan ap serkeni sabap jatqan,
Shopannyń ustaı aldy bileginen.
- Túk kórmegen túleıdeı... maldy ura ma?!
Joǵal bylaı, torsyqtaı salbyrama!
Serke emes, sen eziń de seskenesiń,
Sen qylmaǵan erlikti mal qyla ma?!
Sheshinip sýǵa túsken qartty kórip,
Kók serke ózenge ózin atty kelip.
Kóseminen kóz jazbaı turǵan otar
Jamyrasyp jaǵaǵa tartty berik.
Qazaqtyń mal - yrysy, maly - baǵy,
Qashannan bir-birine tanymaly.
Kúreńmen qyrqa asyp bara jatqan,
Qartqa qarap kók serke mańyrady.

---