Tay bir ańyz,
Taý - dastan.
Taýsylmaǵan áý bastan.
Toqtap qalǵan kerýen,
Bir-birimen jalǵasqan.
Jeter jerge jetkende,
Kerýenshi ketkende,
Shyǵys pen Batysty,
Jalǵastyryp shókken be?
Bulttan buıda taǵynyp,
Kókten kórpe jamylyp,
Taýlar jatyr ańyryp,
Saparlaryn saǵynyp.
Jeter jerge jetkesin,
Máńgilikke shókkesin!
Oıatpańdar, baıqańdar!
Taýlar turyp ketpesin,
Taý bir ańyz,
Taý - dastan.
Taýsylmaǵan áý bastan.
Ana - Jerdiń tósine,
Alyp sábı jarmasqan.

---