İzdeseń meni kimde-kim,
Qaladan izdep júrmegin!
Úıime de izdep kirmegin!
Aıazdy boran, aq taýdyń
Arasynda ómir súrgemin.
Solarmen máńgi birgemin.
Jetelep meni ilgeri,
Kúnderim menen túnderim,
Tósek cap qardan bir kerim,
Qaryma quryq ilgemin.
İzdeseń meni kimde-kim,
Sol jerden kelip bir kórin!
Aq tútek ashyq aqpanda,
Aq saıda jylqy baqqanda,
Quryqty shanshyp aq ńarǵa,
Aspanǵa qarap turam men,
Qus joly - Bolashaqtarǵa,
Qar teýip jylqym jatqanda,
Rahat odan shaq bar ma?!
Kerek qoı kúzet ómirge
Dúnıe uıyqtap jatqanda...
Aq qyraý shalyp tulymyn,
Kisinep qoısa qulynym,
Ketedi boıym jylynyp,
Búlk etip meniń julynym,
Aıtamyn, aıtam qaıtalap,
Tulparly jerdiń ulymyn!
Raketadan kem emes,
Shanshylǵan meniń quryǵym!
Sondyqtan asaý ńylyǵym...
Qashyrar qutyn urynyń!
...İzdeseń meni kimde-kim,
Bul jerden izdep júrmegin!
Aıazdy aq qar túndemin,
Aq tozań boran kúndemin,
Tulparlarymmen birgemin,
İzdeseń meni kimde-kim,
Sol jerden kelip bir kórin!

---