- 15 sáý. 2015 00:00
- 210
Týmaq, ólmek – taǵdyrdyń shyn qazasy...
Týmaq, ólmek – taǵdyrdyń shyn qazasy,
Ortasy – ómir, joqtyq qoı eki basy.
Saǵymdaı eki joqtyq arasynda
Tirshilik dep atalar biraz jasy.
Joqtyq, barlyq, joǵalmaq – aralasy,
Úsh eriksiz bolady maǵynasy.
Najaǵaıdaı jarq etip óshpek bolsa,
Ómirdiń on tıyndyq joq baǵasy.
Patsa, batyr, baı, baǵlan, el aǵasy,
Ónerpaz, oıshyl, bilgish, ǵulamasy.
Maqtanyp jerdiń júzin jalmasa da,
Kárilik pen ólimge joq daýasy.
Endi ómirdiń qyzyqty qaı arasy,
Ólimdi oılap sińe me ishken asy?
Ony umytyp, ólmesteı ózelener,
Áli tiri júrgendeı túp atasy.
Adamzat – aıýannyń aram, nasy‚
Jannyń da, aqyldyń da duspandasy.
Jandy sýret sıaqty qýyrshaq bop,
Jaralystyń oınaǵan tamashasy.
Menmensingen kerdeńniń kergen qasy,
Ishimdi kúıdiredi sol yzasy.
Jer táńirsip, kisimsip jelikse de,
Tóbesinen bir túser jaıdyń tasy.
Ómirdiń ókinbeıtin bar aılasy,
Ol aıla – qıanatsyz oı tazasy.
Meıirim, ynsap, ádilet, adal eńbek,
Taza júrek‚ tatý dos – sol sharasy.
Ortasy – ómir, joqtyq qoı eki basy.
Saǵymdaı eki joqtyq arasynda
Tirshilik dep atalar biraz jasy.
Joqtyq, barlyq, joǵalmaq – aralasy,
Úsh eriksiz bolady maǵynasy.
Najaǵaıdaı jarq etip óshpek bolsa,
Ómirdiń on tıyndyq joq baǵasy.
Patsa, batyr, baı, baǵlan, el aǵasy,
Ónerpaz, oıshyl, bilgish, ǵulamasy.
Maqtanyp jerdiń júzin jalmasa da,
Kárilik pen ólimge joq daýasy.
Endi ómirdiń qyzyqty qaı arasy,
Ólimdi oılap sińe me ishken asy?
Ony umytyp, ólmesteı ózelener,
Áli tiri júrgendeı túp atasy.
Adamzat – aıýannyń aram, nasy‚
Jannyń da, aqyldyń da duspandasy.
Jandy sýret sıaqty qýyrshaq bop,
Jaralystyń oınaǵan tamashasy.
Menmensingen kerdeńniń kergen qasy,
Ishimdi kúıdiredi sol yzasy.
Jer táńirsip, kisimsip jelikse de,
Tóbesinen bir túser jaıdyń tasy.
Ómirdiń ókinbeıtin bar aılasy,
Ol aıla – qıanatsyz oı tazasy.
Meıirim, ynsap, ádilet, adal eńbek,
Taza júrek‚ tatý dos – sol sharasy.