InfoHub Logo

Ótkenimizge úńilsek, syı tartar bizge keleshek
Sabaq túri: Dástúrli emes sabaq. (Qaıtalaý sabaǵy)
Ótý formasy: Oıyn túrinde.
Maqsaty: Oqýshylardyń úshburyshtar týraly alǵan bilimderin qaıta jańǵyrtyp, esterine túsirý, úshburyshtardyń anyqtamalaryn, olardyń qasıetteriniń esterinde meılinshe uzaǵyraq saqtaýǵa septigin tıgizý jáne olardy qoldana bilýge úıretý; jaýapkershilikke, eńbektenýge tárbıeleý, tanymdyq qyzyǵýshylyǵyn damytý.
Kórnekiligi: Úshburyshtar (model), plakattar, kórmege sýret, zattar jáne ınteraktıvti taqta.

Barysy:
I. Uıymdastyrý.
Oqýshylardy túgendep, sabaqtyń maqsaty men josparymen tanystyrý.

II. Ótilgen taqyrypty qaıtalaý. (Mýzykalyq ádebı montaj túrinde)
1 - bastaýshy: Geometrıa páninde,
Úshburysh degen el bolǵan.
Neshe alýan túrimen
Bir ordaǵa jıylǵan.
2 - bastaýshy: Shaqyraıyq ortaǵa Úshburysh atany,
Bastasyn sóz kezegin arqaly.
Shyqqan tegin, rýyn bizge tanystyryp,
Berip ketsin urpaǵyna batany.
Sahnaǵa basyna (ústine) aınaldyra jelimdelgen úshburyshtardan daıarlanǵan kıim kıip oqýshylar shyǵady.
(«Toıǵa shashý» ániniń áýenimen)

Qara bizge, biz úshtenbiz,
Kórsetemiz áli biz!
Úsh - úshtenbiz, úsh - úshtenbiz,
Úsh - úshtenbiz bárimiz!
Qaıyrmasy: Qabyrǵa úsheý, burysh úsheý,
Tóbemiz de úsh - úshten,
Biz atqarar jumys úsheý,
Úsh márte oǵan kiris sen!
Súıetuǵyn óz uıasyn,
Ordamyzda – yntymaq.
Úshburyshtar semásyn
Biler bolsyn árkim - aq!

Qaıyrmasy.
Urpaǵym bar, órisim keń,
Biler bolsań, eger sen.
Retimen kelip ortańyzǵa
Tanystyrsyn ózderin barshańyzǵa.

«Myńnyń túsin bilgenshe,
Birdiń atyn bil».
(Úshburyshtar tizilip, sahnaǵa shyǵady)
1. Súıir buryshty úshburysh:
Men úshburysh atanyń balasynyń birimin,
Syıynǵan qasıetime elimniń bir pirimin.
Atapty ákem «Súıir buryshty» bolsyn dep
Teoremalar júrsin úıir árkez kep.
(Interaktıvti taqtadaǵy slaıdtan «Kez kelgen úshburyshtyń kem degende eki buryshy súıir bolady» dep aıtyp, kórsetiledi)

Aqtóbe oblysy, Alǵa qalasy,
№3 Alǵa qazaq orta mektebiniń matematıka páni muǵalimi
Mýrynov Ordabaı