60 جاسقا قۇتتىقتاۋ تىلەكتەر
ءسىزدى ادام ءومىرىنىڭ ايتۋلى بەلەسى – 60 جاسقا تولۋ مەرەيتويىڭىزبەن شىن جۇرەكتەن قۇتتىقتايمىز!
ءسىزدى ومىردەن توقىعانى مول، كەڭ ويلاپ، قامقور قولىن ۇسىنىپ جۇرەتىن اياۋلى ازامات، اعا رەتىندە جاقسى بىلەمىز. ءوزىڭىز ەڭبەگىڭىزدى ارناعان سالانى دامىتۋعا سىڭىرگەن بەلسەندى قىزمەتىڭىز، تىڭ عىلىمي-تەحنيكالىق جاڭالىقتاردى ەنگىزۋدە وزىق ويلايتىن كەمەل قابىلەتىڭىز ءتانتى ەتپەي قويمايدى، جاستارعا ۇلاعاتتى ۇستاز، ونەگەسىز. سىزگە زور دەنساۋلىق، قاجىماس قايرات، وتباسىڭىزعا باياندى باقىت تىلەيمىز.
*** *** *** ***
60 جاسقا تولۋ مەرەيتويىڭىزبەن شىن جۇرەكتەن قۇتتىقتايمىز!
ءسىزدى ومىردەن توقىعانى مول، كەمەل ويلى تۇلعا رەتىندە جاقسى بىلەمىز. تەرەڭ ءبىلىم، بەرىك ۇستانىم، ىسكەرلىك قابىلەت جانە ۇلكەن ازاماتتىق قاسيەتتەر ءسىزدى قاتارداعى قۇقىقتانۋشىدان قازاق ەلىنىڭ بەلگىلى دە بەدەلدى زاڭگەرى، قوعام قايراتكەرى دەڭگەيىنە كوتەردى. مەملەكەتتىك جوعارى باسقارۋ ورگاندارىندا جاۋاپتى قىزمەتتەر اتقاردىڭىز، قاتارىڭىزدىڭ تۇرمىستىق مۇقتاجى قات-قابات تىرشىلىكتە ۇدايى نازارىڭىزدا بولاتىنىن كۇندەلىكتى ومىردە كورىپ ءجۇرمىز. ءسىزدىڭ الدىڭىز كەڭ، جانىڭىز جومارت، قامقور دا تالاپشىل باسشى، اياۋلى اعا رەتىندەگى ابزال قاسيەتتەرىڭىز ءتانتى ەتپەي قويمايدى، اتىڭىزعا زاتىڭىز ساي ۇلاعاتتى ۇستاز، ونەگەسىز. وسىنداي ەڭبەك پەن تۇرمىس تاربيەسى، جەكە باسىڭىزدىڭ كىرشىكسىزدىگى ءوزىڭىز، وتباسىڭىز ءۇشىن عانا ەمەس، وزىڭىزبەن قاناتتاس جۇرگەن ارىپتەستەرىڭىز، تىلەكتەس دوس-جاران ءۇشىن دە زور ماقتانىش، ابىروي، جاس ۇرپاق ءۇشىن ناعىز ءومىر مەكتەبى ەكەندىگى داۋسىز.
ءقادىرلى.................! سىزگە وسىنداي مەرەيلى كۇنى شىن كوڭىلىمىزبەن زور دەنساۋلىق، قاجىماس قايرات، وتباسىڭىزعا باياندى باقىت تىلەيمىز. قوعامىمىزدىڭ يگلىگى، ادامداردىڭ قۇقىقتارى مەن بوستاندىقتارىن قورعاۋ جولىنداعى كۇردەلى دە جاۋاپتى قىزمەتتە بۇدان بىلاي دا ابىروي بيىگىنەن كورىنە بەرىڭىز.
*** *** *** ***
ىزگىلىكتى نۇرىن شاشار ماڭايعا، ادامسىز عوي ۇلگى بولار تالايعا. جاقسىلىقتى وزىنىزدەن كوپ كورگەن، ۇمىتپايدى تۋعان-تۋىس قالايدا! ۇلگى بولعان ۇلكەنگە دە جاسقا دا، سىيلار ءسىزدى تۋعان-تۋىس، باسقا دا. باقىتتى بوپ بۇل ومىردە ماڭگىلىك، قۋانتىڭىز تاۋسىلماسىن 100 جاستا دا! الپىس - تال ءتۇس. الدا ءالى تالاي اسۋلار مەن بەلەس-بەدەلدەر بار. سىزگە جارقىن دا ماعىنالى ءومىر، كوتەرىنكى دە كىرشىكسىز كوڭىل، دەنەڭىزدىڭ ساۋلىعىڭ، وتباسىنىڭ اماندىعىڭ، قىزىققا تولى عۇمىر كەشىپ، كوپشىلىكتىڭ ىستىق ىقىلاسى مەن قۇرمەتىنە، ريزاشىلىعىنا بولەنە بەرىڭىز. ابىرويىڭىز اسقاقتاي بەرسىڭ دەي وتىرىپ، تومەندەگى ولەڭ جولدارىڭ ارنايمىز.
ورىندالسىن مۇرات – ارمان ويىڭىز.
اۋلەتىڭنىڭ قۇرمەتىنە بولەڭىپ،
ءارقاشاندا بيىك توردە بولىڭىز!
جاساي بەر، جاس كەلسە دە قارتايماڭىز،
ءومىردىڭ كەمدىگىنە مۇنايماڭىز.
كۇلىمدەپ الدىمىزدا جۇرە بەرشى،
...... اعامىزدىڭ شاڭىراعىن نۇرلاندىرىپ!
ادام بالاسىنىڭ ۇزاق ومىرىندەگى بەل-بەلەستەردىڭ ءبارى دە ەلەۋلى سانالسا كەرەك. سويتسە-داعى كەمەل جاسى 60-تىڭ ورنى مۇلدەم ەرەكشە ەكەنى بارشاعا ءمالىم. اعالىق ارداقتى اسۋدان اسىپ، اقساقالدىق مەرەيلى كەزەڭگە كوتەرىلەر بۇل شاقتىڭ تال ءتۇس اتالۋى بەكەر ەمەس-اۋ.
مىنە، سەن دە ىزىمىزدەن قۋىپ، امان-ەسەن التىنشى اسقاردىڭ شىڭىنا قول سوزىپ وتىرسىڭ. شۇكىر، بىرەۋدەن ىلگەرى، بىرەۋدەن كەيىن دەگەندەي، وتكەن ءومىر بەدەرلەرى كوڭىل ورنىقتىرىپ، كوز تويدىرادى.
قۋانىشتىسى، مەرەيتويىڭدى وتباسىڭنىڭ التىن قازىعى بولعان جان-جارىڭمەن بىرگە بالا-شاعاڭنىڭ شاتتىققا تولى ورتاسىندا قارسى الىپ وتىرسىڭ. وسىپ-ونگەن، ۇرپاق تاربيەلەگەن، قۇدا-قۇداعيلارىڭ مەن دوس-جاراندارىڭنىڭ ىستىق ىقىلاسىنا بولەنگەن وزىڭە تەك جاقسىلىقتار، قۋانىشتار مەن باقىتتى عۇمىر تىلەيمىز.
ارتىڭداعى ءىزىڭ وشپەسىن!
*** *** *** ***
بۇگىنگى كۇن - بولەكتەۋ كۇن، ماڭىزدى،
ماڭىزدىسى - بۇگىن تۋعان جان ىزگى!
الپىس مارتە كۇندى اينالعان جۇمىر جەر،
سىزگە باقىت تىلەپ تۇرعان ءتارىزدى.
رەنجىتپەي ۇلكەندى دە، كىشىنى –
جۇرەگىمەن تۇسىنەتىن كىسىنى.
مىناۋ ءومىر جۇماق بولىپ كەتەر ەد،
سىزدەي بولسا بار ادامنىڭ ءپىشىنى.
قاراپايىم قالپىن ساقتاپ بيىكتىك،
ۇل–قىزى مەن وتاعاسىن ءيىتىپ.
انا بولىپ، پانا بولىپ وتىرسىز،
ءبىر اۋلەتتى ۇيىتقىداي ۇيىتىپ.
سىزگە قاراپ بوي تۇزەيدى قىزدار دا،
ءسىز كۇلگەندە ەرىمەيتىن مۇز بار ما!
يمان بار دەپ، يبا بار دەپ يلانام،
ورتامىزدا كۇلىمدەگەن ءسىز باردا.
بۇگىنگى كۇن – بولەكتەۋ كۇن، ماڭىزدى،
ماڭىزدىسى – بۇگىن تۋعان جان ىزگى!
توبەڭىزگە قۇداي كەلىپ، شاشۋ قىپ،
اپپاق نۇرىن شاشىپ تۇرعان ءتارىزدى.
*** *** *** ***
ەل ءۇشىن ەڭبەك ەتتىڭ، ايانبادىڭ،
سول جولدىڭ بار باقىتىن باياندادىڭ.
جارقىراپ، ۇل-قىزدارىڭ – جۇلدىزدارىڭ،
الپىسقا اپپاق ايداي ايالدادىڭ.
اڭقىلداپ قۋانا بەر، اقتارىلىپ،
باسىڭا جارقىراسىن ب ا ق تا كۇلىپ.
اكە بولدىڭ اسقار تاۋ – تۇعىرىڭدا،
اتا بول، الپىس جاستا اتقا ءمىنىپ.
نەمەرەڭ توپتان وزىپ، بايگە العاندا،
شوبەرەڭ اسپانداعى ايدى العاندا.
تاعى دا دۇركىرەتىپ توي جاسارمىز،
ءوزىڭىز ابىز شالعا اينالعاندا.
*** *** *** ***
60 جاس مەرەيتويىڭ قۇتتى بولسىن،
دوس-جارانمەن ءارقاشان ورتا تولسىن.
70، 80، 90 مەن 100-گە جەتىپ،
باسىڭىزعا قىزىردىڭ باعى قونسىن.
*** *** *** ***
ءسىزدى 60 جاسقا تولۋىڭىزبەن شىن جۇرەكتەن قۇتتىقتايمىن!
ءسىز ءوز مەرەيتويىڭىزعا لايىقتى دا قوشەمەتتەۋگە تۇرار جەتىستىكتەرمەن كەلىپ وتىرسىز.
ءوز ەڭبەك جولىڭىزدا تالاي بەلەسكە شىعىپ، ۇجىمنىڭ جانە دوستارىڭىزدىڭ قۇرمەتىنە بولەندىڭىز. تاڭداعان جولىڭىزدى ابىرويمەن جالعاستىرىپ كەلە جاتقان تاماشا بالالاردى تاربيەلەپ، ءوسىردىڭىز.
ءسىزدىڭ ورەلى ىستەرىڭىزدى ايتقاندا اۋىز تولادى، ويتكەنى ءسىزدىڭ ءومىرىڭىز ناعىز مايتالمان ماماننىڭ، ۇلاعاتتى اكەنىڭ، ەلىمىزدىڭ ابزال ازاماتىنىڭ ونەگەسى. وتانىمىزدىڭ وركەندەۋى جانە حالقىمىزدىڭ يگىلىگى جولىندا ءالى دە تالاي ءتانتى ىستەردى اتقارارىڭىزعا كامىل سەنىمدىمىن.
بۇگىنگى مەرەيتويىڭىزدا سىزگە جانە تۋىستارىڭىزعا زور دەنساۋلىق، ۇزاق عۇمىر، ەڭبەكتە تىڭ تابىستار مەن ءومىردىڭ اسقاق ابىرويىن تىلەيمىن!
شاڭىراعىڭىزدا بەرەكە-بىرلىك، ىرىس-ىنتىماق بولا بەرسىن!
باقىتىڭىز باياندى، ساۋ-سالامات جۇرگەيسىز!
*** *** *** ***
ءسىزدى 60 جاسقا تولعان تورقالى تويىڭىزبەن شىن جۇرەكتەن قۇتتىقتايمىز!
وسى تاڭدا ادام ءومىر جولىنىڭ اسقار بيىگى – الپىستىڭ شىڭىنا شىعىپ وتىرعان ءسىزدى، كوپشىلىك مەملەكەتىمىزدىڭ قايراتكەرى، عۇمىرىن قازاقستان بولاشاعىنا ارناعان زيالى ازامات رەتىندە تانيدى.
ءومىر جولىندا ەڭبەكسۇيگىشتىك، قوعامدىق بەلسەندىلىكپەن ەرەكشەلەنىپ، ناعىز ازاماتتىق قاسيەتتەرگە يە ءىرى تۇلعا رەتىندە قازاق حالقىنىڭ يگىلىگىنە بولەنىپ، قىزمەتتىڭ ەڭ قىزىقتى دا قيىن سالالارىن اتقارىپ وتىرعان ابىروي-بەدەلىڭىزدى اتاپ وتپەي كەتۋگە بولماس.
بۇل جىلدار ءسىزدىڭ قوعامدىق جانە جەمىستى ەڭبەگىڭىزدىڭ ناعىز كەمەلىنە كەلگەن كەزەڭ بولدى. تۋعان ەلگە دەگەن سۇيىسپەنشىلىك ارقىلى پاراساتتى دا رۋحى بيىك ءىزباسارلارىڭىزدى تاربيەلەۋ جولىندا دارىندى ۇيىمداستىرۋشى قىرىنان كورىنىپ كەلەسىز.
قوعام يگىلىگىنە باعىتتاپ وتىرعان ەرەن ەڭبەكتەرىڭىزدىڭ ەلىمىزدىڭ نىعايۋىنا وزىندىك ۇلەسى بار. وسىناۋ يگىلىكتى ىستە قاناتىڭىز تالماسىن، قاجىر-قاىراتىڭىز قاشاندا ارتا بەرگەي!
وزىڭىزگە جانە وتباسىڭىزعا زور دەنساۋلىق، ۇزاق عۇمىر، ىرىس پەن ىنتىماق، باقىت پەن بەرەكە تىلەيمىن! شىعار شىڭدارىڭىز ءارقاشاندا بيىك بولعاي.
*** *** *** ***
جانى جايساڭ، كوڭىلى دارحان ازاماتىمىزدى 60 جاسقا كەلگەن كۇنىمەن قۇتتىقتايمىز.
60 جاس – ادامنىڭ كەمەلىنە كەلىپ، الدىڭعى تولقىن اعالارىنىڭ ءىزىن باسىپ، كەيىنگى تولقىن ىنىلەرى قۇرمەت كورسەتىپ، ءىلتيپات تانىتاتىن، ۇل-قىز ءوسىرىپ قۇدا-جەكجاتتى بولىپ، نەمەرە ءسۇيىپ، ءورىسى كەڭەيىپ، وركەنى وسكەن بەدەلدى كەزەڭى. وسىنداي مەرەيلى جاسقا كەلگەن .... اعامىزعا تىرلىكتە تۇعىرىڭىزدان تايماي، ءالى دە تالاي اسۋلاردى تاباندىلىقپەن الىپ، كەلەر قيىندىقتاردى قاجىرلىقپەن جەڭىپ، العا قويعان مۇراتتارىڭىزعا سۇرىنبەي جەتە بەرىڭىز دەمەكپىز. اسىل جارىڭىزدىڭ، ۇل-قىزدارىڭىزدىڭ قىزىعىن مولىنان كورىڭىز، الىپ ماۋەلى بايتەرەكتەي جاپىراق جايىپ، وركەندەي بەرۋىڭىزگە تىلەكتەسپىز!
*** *** *** ***
ءبىر جىلدا بىرگە تۋعان، اسىل دوسىم،
تويلاتار الپىس جاسىڭ قۇتتى بولسىن!
كەڭ پەيىلدى قۇرداسىم، ..........-اي،
ۇلدارىڭ ........، ........... امان بولسىن!
وتىز جىل بىرگە جۇرسەڭ، باعالانار،
دوستىڭ دا، دوستارى بار دارانالار.
نەمەرەڭ ءوسىپ، ءونسىن، شوبەرە ءسۇي،
ساباقتاسسا ۇرپاعىڭ، باعىڭ جانار.
*** *** *** ***
ءاپپاق ارىن ەشقاشان كىرلەتپەگەن،
كوركەمدىگى تەڭ كەلگەن سۋرەتپەنەن.
تۋعان-تۋىس، دوس-جاران، ارىپتەستەر،
ارداقتايدى ءوزىڭدى قۇرمەتپەنەن.
ەڭبەك جولىڭ تاتيدى سان اڭىزعا،
ساعان قاراپ كۇلىمدەپ قالامىز دا.
وتباسىندا باقىتتى عۇمىر كەشىپ،
امان-ەسەن جۇرە بەر ارامىزدا.
زەينەتكەرلىك جاسقا كەپ شاتتاناسىڭ،
ءالى تالاي شىڭداردان ب ا ق تاباسىڭ.
شىن جۇرەكتەن ءبارىمىز قۇتتىقتايمىز،
كوش كەرۋەنىڭ ەشقاشان توقتاماسىن!
*** *** *** ***
"الپىس - تال ءتۇس" دەيدى حالىق داناسى،
الپىس دەگەن ءوڭ مەن ءتۇستىڭ اراسى.
ءبىر اۋلەتتىڭ ءوزىڭ التىن قازىعى،
امان بولشى، اياۋلى ەل اعاسى!
*** *** *** ***
بايىپتاساڭ ءومىر مەن ونەر ەگىز،
ان-كۇي تىڭداپ راحاتقا كەنەلەمىز.
بابالار اماناتىن امان ساقتاپ،
قازاقشا ءان شىرقاسىن شوبەرەڭىز.
*** *** *** ***
الاتاۋ شىڭدارى مەن قاراتاۋ تاستارىنا
كوز ءتۇستى جەتكەننەن سوڭ الپىستىڭ اسقارىنا...
اق بوياۋ ساماي مەنەن، ب ا ق سىيلاپ باستارىما.
جەتپىستىڭ جوتاسىنا جەتپەگەن جاستا مىنا
جاۋدىرام العىسىمدى كورشى مەن دوستارىما،
ۇل-قىزىم، نەمەرە مەن شوبەرە – جاستارىما!
*** *** *** ***
ءبىر باسىندا تەكتىلىكتى، ىرىلىك پەن ىسكەرلىكتى اسقاقتاتار سان قاسيەتتەر توعىسقان، سونىسىمەن دە ەلىنىڭ كوشەلى ءبىر ازاماتى بولىپ، ەسىمى جاقسىلار مەن جايساڭداردىڭ قاتارىندا اتالىپ جۇرگەن ارداقتى اعامىز ............... بۇل كۇندە 60 جاستىڭ اسقارىنا شىعىپ، ءبارىمىزدى قۋانتىپ وتىر.
جاسىنان ەل باسقارۋ ىسىنە ارالاسىپ، وسى جولدا كوپ بەلەس – بيىكتەردەن وتكەن قىمباتتى اعامىزعا، اكەمىز، اتامىزعا الدا دا تاسىڭىز وسىلاي ورگە دومالاي بەرسىن، كورگەنىڭىز تەك قىزىق بولىپ، ەل-جۇرتىڭىزدى جاڭا تابىستارىڭىزبەن قۋانتا بەرگەيسىز دەمەكپىز.
*** *** *** ***
ەل ءۇشىن ايانباي قىزمەت ەتۋ باستى پارىز دەپ سانايتىن، ۇلت مۇددەسىن ويلاعان ابزال دا ارداقتى ازامات، كيەلى دە قاستەرلى مەكەن – ماحامبەتتەي ءور اقىننىڭ، ەلدى جاۋدان قورعاعان باتىردىڭ تۋعان ولكەسىنىڭ پەرزەنتى .........، جۇيرىك ۋاقىتتىڭ ۇشقىر قاناتى ءسىزدى وردالى وتاعاسىنىڭ جاسى دەپ اتالاتىن اسقارالى الاتاۋ – 60 جاستىڭ بەلەسىنە الىپ جەتىپتى.
ءسىز، .... جىلى ..................... ينستيتۋتىن ءتامامداعان سوڭ ءوز ەڭبەك جولىڭىزدى .......... قالاسىندا العاشقىدا قاتارداعى ماماننان باستاپ، كەيىن ........................ قىزمەتتەرىن اتقاردىڭىز.
جوعارى كاسىبي دارەجەڭىزدى، جۇمىستاعى جاۋاپكەرشىلىگىڭىزدى جانە باسشىلىق قىزمەتتەگى قاعيداشىلدىعىڭىزدى، ساياساتتاعى توزىمدىلىگىڭىزدى ەسكەرە وتىرىپ، سىزگە .......... جىلى .......................قىزمەتى ۇسىنىلدى. تابىستى ەڭبەكتەرىڭىزدىڭ ناتيجەسىندە ءسىز ............... جىلدان باستاپ .........................................قىزمەتىنە تاعايىندالدىڭىز.
كوپ جىلعى سىڭىرگەن ەڭبەگىڭىزدىڭ ناتيجەسى رەتىندە، ءسىز قازاقستان رەسپۋبليكاسىنىڭ .......................اتاعىن يەلەنىپ، .......................مەرەكەلىك مەدالىمەن ماراپاتتالدىڭىز.
قادىرمەندى ..........................، ادام ءومىرىنىڭ ەڭ ءبىر اسىل كەزى، اسقار بەلى – 60 جاسقا كەلىپ وتىرسىز. بۇل جاسقا ءومىرىڭىز قۋاتتى، كوڭىلىڭىز شۋاقتى قالپىڭىزدا جەتتىڭىز! وسىنداي قارقىنىڭىزدان قالماڭىز، شابىسىڭىزدان تانباڭىز. قازاقتىڭ شەرحانى، شەراعاسى الپىس جاستى ءتالتۇس دەيدى. ولاي بولسا، الپىستىڭ اسۋىنان اسىپ، جەتپىسكە اياق باسقان شاعىڭىزدا دا كوزىڭىزدەن وت كەتپەسىن، جۇرەگىڭىزدەن جىلۋ كەتپەسىن دەي وتىرىپ، ەلگە ەتەر ەڭبەگىڭىز، كەلەر ۇرپاققا بەرەر ءتالىمىڭىز الداعى ۋاقىتتا جالعاسىن تابادى دەپ سەنىم بىلدىرەمىز.
*** *** *** ***
بىرىمىزگە اياۋلى انا، بىرىمىزگە اسىل جار، ەندى بىرىمىزگە قادىرمەندى اجە ................. 60 جاستىڭ اسۋىنا شىعىپ وتىر. وسى ءبىر وزىمىزگە قىمبات تا سۇيىكتى ادامىمىزدى مەرەيلى جاسىمەن قۇتتىقتاپ، شىن كوڭىلدەن اقتارىلعان ىزگى نيەتتەرىمىزدى ارناعىمىز كەلەدى.
دەنىڭىز ساۋ، وتباسىڭىز امان، عۇمىرىڭىز ءماندى دە ءساندى بولسىن. شاڭىراعىڭىزدان شاتتىق ۇزىلمەسىن دەگەن تىلەك ايتقىمىز كەلەدى.
جانىڭىز جاز، شۋاق سەپكەن جۇرەگىڭىز،
ءبىر اۋلەتتىڭ ۇيتقىسى ءبىر ءوزىڭىز.
اقىلشى بوپ، انا بوپ، پانا بولىپ،
جۇزگە جەتكىن وسى ءبىزدىڭ تىلەگىمىز.
الپىستا دا قۋاتىڭ ارىنداسىن،
كەلدىك ءبىز ءوزىڭىزدى ساعىنعاسىن.
ءتاڭىر بەرگەن عۇمىردى جاساي بەرگىن،
باق-داۋلەت شاڭىراق ارىلماسىن.
*** *** *** ***
الپىستا التى جاسار بالاداي بول،
جەتپىستە حان جىعاسى – جاعاداي بول.
سەكسەن مەن توقساندا دا سىر الدىرماي،
ءجۇز جاستا كوپتى كورگەن داناداي بول.
*** *** *** ***
امان بولسىن باسىڭىز،
اعارماسىن شاشىڭىز.
شوبەرە ءسۇيىپ ءالى دە،
جۇزگە جەتسىن جاسىڭىز.
60 تا ءومىر بەلەسى،
قارتايدىم مەن دەمەشى.
تۋعان كۇندە جىل سايىن،
قۋانىشقا بولەشى!
*** *** *** ***
You Might Also Like
-
جۇزىڭىزدەن قۇيىلىپ ادەمى نۇر، اق پەيىلىڭىز ايتپاي-اق كورىنىپ تۇر. ادامعا بولسىن دەگەن جان ەكەنسىز، تىلەگىم ءاردايىم امان دا ءجۇر.
-
بۇگىنگى كەشتىڭ يەسى كوپتى كورگەن، قانشاما جىل ەلى ءۇشىن ەلەۋلى ىستەر اتقارعان ايتۋلى ازامات. "كوپ جاساعاننان ەمەس كوپتى كورگەننەن سۇرا " دەيدى دانا حالقىمىز.
