- 13 ناۋ. 2015 00:00
- 169
اداسقاننىڭ الدى — ءجون، ارتى — سوقپاق
اداسقاننىڭ الدى — ءجون، ارتى — سوقپاق،
ولارعا ءجون ارامنىڭ ءسوزىن ۇقپاق.
قاس ماڭعاز مالعا بوككەن كىسىمسىنىپ،
استە جوق كەسەلدى ىستەن بيتتەي قورقپاق.
ءبىر ارشوپكە شاپانى سونداي شاپ-شاق،
مۇشەسىنەن بۋىنىپ، باسادى الشاق.
قارسى الدىنا جىمىرىپ كەلتىرەم دەپ،
اق تىماقتىڭ قۇلاعى سالتاق-سالتاق.
جازدىكۇنى اق بوركى بۇكتەلمەيدى-اق،
قولىندا ءبىر ساباۋ بار و-داعى اپپاق،
كەرەگەگە ساباۋدى شانشىپ قويىپ،
بوركىن ءىلىپ، قارايدى جالتاق-جالتاق.
قۋ شالبار قۋلىعىنا بولعان ايعاق،
تىزەسىن سوزعىلايدى قالتالانسا-اق.
ۇستاۋداعى كىسىدەي مەزگىلى بار،
كۇنى بويى شەشىنىپ، ءبىر ت...-اق.
ءتىرى جانعا قۇربى بوپ جاپ-جاسىندا-اق،
قالجىڭداماق، قاسىنباق، ىرجاڭداماق،
بەت-اۋزىن ءسوز سويلەردە ءجۇز قۇبىلتىپ،
قاس كەرمەك، مويىن بۇرماق، قورازدانباق.
وسىنداي سيداڭ جىگىت ەلدە مول-اق،
ءبارى دە شارۋاعا كەلەدى ولاق.
سىرىن تۇزەر بىرەۋ جوق، سىرتىن تۇزەپ،
بار ونەرى — قۋ بورباي، سىمپىس شولاق.
ولاردىڭ جوق ويىندا مالىن باقپاق،
ادال ەڭبەك، مال تاپپاق، جۇرتقا جاقپاق.
جالعىز اتىن تەرلەتىپ، ەل قىدىرىپ،
سالەمدەسپەي، الىستان ىرجاڭ قاقپاق.
ولارعا ءجون ارامنىڭ ءسوزىن ۇقپاق.
قاس ماڭعاز مالعا بوككەن كىسىمسىنىپ،
استە جوق كەسەلدى ىستەن بيتتەي قورقپاق.
ءبىر ارشوپكە شاپانى سونداي شاپ-شاق،
مۇشەسىنەن بۋىنىپ، باسادى الشاق.
قارسى الدىنا جىمىرىپ كەلتىرەم دەپ،
اق تىماقتىڭ قۇلاعى سالتاق-سالتاق.
جازدىكۇنى اق بوركى بۇكتەلمەيدى-اق،
قولىندا ءبىر ساباۋ بار و-داعى اپپاق،
كەرەگەگە ساباۋدى شانشىپ قويىپ،
بوركىن ءىلىپ، قارايدى جالتاق-جالتاق.
قۋ شالبار قۋلىعىنا بولعان ايعاق،
تىزەسىن سوزعىلايدى قالتالانسا-اق.
ۇستاۋداعى كىسىدەي مەزگىلى بار،
كۇنى بويى شەشىنىپ، ءبىر ت...-اق.
ءتىرى جانعا قۇربى بوپ جاپ-جاسىندا-اق،
قالجىڭداماق، قاسىنباق، ىرجاڭداماق،
بەت-اۋزىن ءسوز سويلەردە ءجۇز قۇبىلتىپ،
قاس كەرمەك، مويىن بۇرماق، قورازدانباق.
وسىنداي سيداڭ جىگىت ەلدە مول-اق،
ءبارى دە شارۋاعا كەلەدى ولاق.
سىرىن تۇزەر بىرەۋ جوق، سىرتىن تۇزەپ،
بار ونەرى — قۋ بورباي، سىمپىس شولاق.
ولاردىڭ جوق ويىندا مالىن باقپاق،
ادال ەڭبەك، مال تاپپاق، جۇرتقا جاقپاق.
جالعىز اتىن تەرلەتىپ، ەل قىدىرىپ،
سالەمدەسپەي، الىستان ىرجاڭ قاقپاق.