الەمدەگى ەڭ ۇزىن كوپىر
قىتايدىڭ سولتۇستىگىندەگى شاڭدوڭ ايماعىندا سالىنعان الەمدەگى ەڭ ۇزىن كوپىر 1 شىلدە 2011 جىلى اشىلدى. قۇرىلىسى 2006 جىلى باستالعان 42،58 كم ۇزىندىقتاعى بۇل ۇلكەن كوپىر 4 جىلدا اياقتالدى. سينداو حايۆان كوپىرى حۋاڭداو، سزياوچجوۋ جانە سينداو تەڭىز ايماقتارىنداعى قالالاردى بىر-بىرىمەن بايلانىستىرادى. 8،5 ميلليارد دوللار جۇمسالعان بۇل كوپىر قۇرىلىسىندا 10 مىڭداعان ادام جۇمىس ىستەپ، 450 مىڭ توننا بولات، 2،3 ميلليون مەتر كۋب بەتون قولدانىلعان. ەنى 35 مەترلىك بۇل كوپىردىڭ 100 جىلدىق قولدانىمعا، 8 بالدىق جەر سىلكىنىستەرىنە، تايفۋنعا جانە 300 مىڭ توننا اۋىرلىققا توتەپ بەرەتىنى مالىمدەندى. 5 مىڭ تىرەۋىشى بار كوپىر، لوندونداعى توۋەر كوپىرىنەن 174 ەسە ۇزىن. سينداو قالاسى مەن حۋاڭداو ايماعىنىڭ اراساسىنداعى قاشىقتىق 30 كيلومەترگە قىسقاردى، جول ءجۇرۋ ۋاقىتى 20 مينۋتقا دەيىن ازايدى. بۇدان بۇرىن اقش-تىڭ لۋيزيانا شتاتىنداعى پونچارترەين كوپىرى ەڭ ۇزىن كوپىر رەتىندە اتالىپ كەلگەن بولاتىن. رەكوردتى جاڭالاعان قىتايداعى كوپىر بۇدان 4 كم ۇزىن كەلەدى.
You Might Also Like
-
اقش-تىڭ 8 پرەزيدەنتى، نوبەل سىيلىعىنىڭ 49 لاۋرەاتى، ديەۆيد روكفەللەر، بيلل گەيتس، مارك سۋكەربەرگ – بۇلار، اقش-تىڭ ەڭ تانىمال ۋنيۆەرسيتەتتەرىنىڭ ءبىرى – گارۆارد تالاپكەرلەرىنىڭ كەيبىرى عانا.
-
ماجارستان (ۆەنگريا) ەلورداسى بۋداپەشت – دۇنيە جۇزىندەگى ەڭ كورىكتى قالالاردىڭ ءبىرى. دۋناي قالانى ەكىگە ءبولىپ وتەدى: بۋدا – تاۋلى جاعالاۋعا ورنالاسقان، ال پەشت – كوكجيەكتەن دە ءارى ...
