اقتوبە وبلىسىنىڭ اكىمى شاعىن مەكتەپتەردى جابۋدى ۇسىندى
اقتوبە وبلىسىنىڭ اكىمى بەردىبەك ساپاربايەۆ ءبىلىم ساپاسىن جاقسارتۋ ءۇشىن شاعىن مەكتەپتەردى جاۋىپ، وقۋشىلاردى كورشى ەلدى-مەكەندەردەگى ىرىلەۋ مەكتەپ-ينتەرناتتارعا كوشىرۋدى ۇسىندى. بۇل تۋرالى ءوڭىر باسشىسى وبلىستىق اكىمدىكتە وتكەن ۇبت قورىتىندىسى بويىنشا كەڭەستە ءمالىم ەتتى.
«2016 جىلعى ۇبت قورىتىندىسى بويىنشا اقتوبە مەكتەپتەرى تۇلەكتەرىنىڭ ورتاشا ۇپايىنىڭ تومەندەۋى بايقالۋدا. وبلىستاعى ەڭ تومەنگى ۇپايتەمىر اۋدانىندا - 70،9 تىركەلگەن، - دەدى اقتوبە وبلىستىق ءبىلىم باسقارماسىنىڭ باسشىسى ساۋلە ومىربەكوۆا.
ونىڭ سوزىنە قاراعاندا، جوو-عا تۇسۋگە قاجەتتى ۇپايدى جيماعانداردىڭ ىشىندە شاعىن مەكتەپتەردە ءبىلىم الاتىن تۇلەكتەر از ەمەس.
وسىعان بايلانىستى وبلىس اكىمى بەردىبەك ساپاربايەۆ مۇنداي مەكتەپتەردى جاۋىپ، وقۋشىلاردى ينتەرنات اشۋ ارقىلى وزگە مەكتەپتەرگە اۋىستىرۋدى ۇسىندى.
«باستىسى - بالالار ءبىلىمىنىڭ ساپاسىن جاقسارتۋ»، - دەپ اتاپ ءوتتى بەردىبەك ساپاربايەۆ. ول تامىز كونفەرەنسياسى الدىندا ۇبت-نىڭ ورتاشا ۇپايىنىڭ تومەندەۋىنە بايلانىستى ساراپتاما جۇرگىزۋدى تاپسىردى.
مەكتەپ وقۋشىلارىنىڭ ءارى قاراي ءبىلىم الۋى مەن ەڭبەكپەن قامتىلۋى ماسەلەلەرى دە وزەكتى.
ءبىلىم باسقارماسىنىڭ اقپاراتىنشا، ايماقتا 17 مەن 21 جاس ارالىعىنداعى 417 جاس ەش جەردە ءبىلىم الماعان جانە مەكتەپتەن كەيىن ەڭبەكپەن قامتىلماعان.
You Might Also Like
-
ساقان اۋىلعا دۇنيەدەن ءوتىپ كەتكەن اكە-شەشەسىنە قۇران وقىتۋعا باردى. ساقاندار ءبىر اكە-شەشەدەن ەكى اعايىندى جىگىت. اعاسى اۋىلدا تۇرادى. ساقان اۋىلعا بارعاننان كەيىن كورشىسى تولىباي اعانىڭ ۇيىنە كى...
-
ەرتەدە ءبىر قارتايعان قوراز ءومىر ءسۇرىپتى. ول تۇلكىنىڭ تابانىنا تالاي رەت ءتۇسىپتى. ءبىراق ۇنەمى ءبىر ايلاسىن تاۋىپ، تۇلكىدەن امان قۇتىلىپ كەتە بەرىپتى. ءسويتىپ ول بىردە اۋىل سىرتىندا ءدان تەرىپ، جەر شوقى...
