استانادا كۋاندىق بيشىمبايەۆتى ۇستاۋ كەزىندەگى بۇزۋشىلىقتار ءۇشىن پوليسەيلەر جازالاندى
استانادا ەكى پوليسەي ەكس-ۇلتتىق ەكونوميكا ءمينيسترى قۋاندىق بيشىمبايەۆتى ۇستاۋ جانە العاشقى تەرگەۋ كەزىندە قىزمەتتىك ءتارتىپتى بۇزعانى ءۇشىن جازالاندى. بۇل تۋرالى infohub.kz ءتىلشىسى حابارلادى.
ىشكى ىستەر مينيسترلىگىنىڭ مالىمەتىنشە، استانا پاترۋلدىك پوليسيا پولكى قىزمەتىنىڭ ينسپەكتورى قىزمەتتىك ءتارتىپتى بۇزعانى ءۇشىن سوگىس الدى. وقيعا كەزىندە پوليسەي ۇستالعان بيشىمبايەۆقا مارقۇم سالتانات نۋكەنوۆا تۋرالى قورلايتىن ەسكەرتۋ جاساعان. بۇل ءسوز بەينەجەتونعا جازىلىپ، 8 ساۋىردە سوتتا كورسەتىلگەن.
استانا پوليسيا دەپارتامەنتى قىزمەتتىك تەكسەرىس جۇرگىزىپ، بۇزۋشىلىقتى راستادى. ناتيجەسىندە ينسپەكتور جازالاندى.
سونىمەن قاتار، ەسىل اۋدانى پوليسيا باسقارماسىنىڭ جەدەل ۋاكىلىنە قاتاڭ سوگىس جاريالاندى. پوليسەي بيشىمبايەۆپەن بىرگە كوشەدە شىلىم شەگىپ، جەرگە تۇكىرگەن، بۇل دا بەينەجەتونعا جازىلىپ، سوتتا كورسەتىلدى. بۇل ارەكەتتەر اكىمشىلىك قۇقىق بۇزۋشىلىق كودەكسىنىڭ 434-2 بابىن بۇزۋ بولىپ تابىلادى، ول ءۇشىن 2024 جىلى بەس ايلىق ەسەپتىك كورسەتكىش (18 460 تەڭگە) كولەمىندە ايىپپۇل قاراستىرىلعان.
You Might Also Like
-
التى جاسىڭىز قۇتتى بولسىن! بۇگىنگى تۋعان كۇنىڭىز ومىرىڭىزدەگى جاڭا ءبىر كەرەمەت بەتبۇرىستى ءبىلدىرسىن. سىزگە كوڭىلدى ويىندار، تاڭعاجايىپ ساياحاتتار جانە شەكسىز ۇيرەنۋ مۇمكىندىكتەرىن تىلەيمىز. بۇل جىل ...
-
توعىز جاسىڭىز قۇتتى بولسىن! بۇگىنگى تۋعان كۇنىڭىز ارماندارىڭىزدىڭ كەڭەيىپ، شىعارماشىلىعىڭىزدىڭ گۇلدەنۋىنىڭ سيمۆولى بولسىن. سىزگە بۇل جىلى كوپتەگەن قىزىقتى وقيعالار مەن جاڭا دوستار تىلەيمىز. ءار كۇنى...
