اۋرۋ جۇرەك اقىرىن سوعادى جاي،
شارشاپ قالعان كەۋدەمدە تۋلاي الماي.
كەيدە ىستىق قان باسىپ كەتەدى ونى،
دوڭبەكشىگەن تۇندەردە تىنشىعا الماي.

قاراڭعى ساڭىراۋ قايعى ويدى جەڭگەن،
ەركەلىك پەن دوستىقتى اۋرۋ كورگەن.
اقىلى جوق، ارى جوق شۋىلداقتى
كۇندە كورىپ، تۇل بويى جيىركەنگەن.

ءتىرىلتىپ وتكەن كۇندى، تاعى شولدەپ،
وسى كۇندى كۇن دەمەس قارعاپ، مىندەپ.
كەيدە تىلەپ ب ا ق پەنەن تاعى تىنىشتىق،
كەيدە قايعى، ازاپتى تاعى دا ىزدەپ.

كەيدە ويلايدى جىلاۋعا قايعى زارىن،
تىنىشسىز كۇندە ويلاعان دەرتتىڭ ءبارىن.
كەيدە ونىسىن جاسىرار جۇرتتان ۇرلاپ،
كەتىرەر دەپ مازاقتاپ بەتتىڭ ارىن.

اۋرۋ جۇرەك اقىرىن سوعادى جاي،
ءوز دەرتىن تىعىپ ىشكە، بىلدىرە الماي.
كەيدە ىستىق تاعى دا قان باسادى،
كەيدە ءبىر ءسات تىنشىعار ءۇن شىعارماي.

---