![اۆگۋست (گاي يۋليي سەزار وكتاۆيان ) - ءريمنىڭ العاشقى يمپەراتورى](http://infohub.kz/uploads/thumbnail/20240119213148581_big.jpg)
- 24 ناۋ. 2015 00:00
- 298
اۆگۋست (گاي يۋليي سەزار وكتاۆيان ) - ءريمنىڭ العاشقى يمپەراتورى
اۆگۋست- ريم يپەرياسىن ب.ز.د. 27 – ب.ز. 14 جىلعا دەيىن، ياعني ءومىرىنىڭ سوڭىنا دەيىن باسقارعان العاشقى يمپەراتور. تولىق ەسىمى – گاي يۋليي سەزار وكتاۆيان اۆگۋست.
بيلىككە قايسار مىنەزىنىڭ ارقاسىندا قول جەتكىزدى. ەلدى وتە ساقتىقپەن بيلەدى. ول ءريمنىڭ قارجى سالاسىنا، سالىق تولەۋ جۇيەسىنە رەفورمالار ەنگىزدى.
اۆگۋست ىسىراپشىلىق، نەكەسىزدىك، جارىنىڭ كوزىنە ءشوپ سالۋ سياقتى تەرىس قىلىقتاردىڭ جولىن كەسۋگە باعىتتالعان قاتال زاڭدار شىعارىپ، كوپبالالى وتباسىلارعا جەڭىلدىكتەر جاسايتىن زاڭدار قابىلدادى.
ول يمپەرياعا قاتىستى ءاربىر ىسكە بارىنشا ءمان بەرىپ، ءاربىر ىسكە بىلەك سىبانا كىرىستى. يمپەريانىڭ شەت ايماقتارىن قورعاۋ ءۇشىن اسكەر جاساقتاپ، اسكەري تەڭىز فلوتىن قۇردى.
ريم كارتاسى
اۆگۋست اقىلدى، تەز شەشىم قابىلدايتىن جانە كورەگەن ساياساتكەر بولدى. ول – ەجەلگى قاتال دا تازا ادەت-عۇرىپتى قايتا تىرىلتكەن بيلەۋشى. ءوزىنىڭ شەكسىز بيلىگىن اقىلمەن باسقاردى. قانقۇيلى سوعىستاردان كوز اشپاعان ەلىن الەمنىڭ بارلىق يگىلىگىنە بولەپ، باقىتقا كەنەلتتى.
ول ءوز ەسىمىن تۇتاس ءبىر داۋىرگە بەردى، ياعني ءبۇتىن ءبىر ايدىڭ اتى ونىڭ ەسىمىمەن “اۆگۋست” (تامىز) دەپ اتالادى.
اۆگۋست بيلىك ەتكەن زامان تاريحتا "ريم پوەزياسىنىڭ التىن عاسىرى" رەتىندە بەلگىلى. ول ۆەرگيليي مەن گوراسيي سياقتى اقىنداردى قاشاندا جەلەپ-جەبەپ ءجۇردى.
اۆگۋست ب.ز. 14 جىلى نولا دەگەن جەردەگى اكەسىنىڭ شاعىن عانا ەسكى ۇيىندە جاتىپ قايتىس بولدى. ونىڭ دەنەسى ريمگە جەتكىزىلىپ، سول جەردە جەرلەندى. ال قولدانعان زاتتارى مەن كيىمدەرى ءوزىنىڭ كەسەنەسىنە قويىلدى.