اي نەگە جالاڭاش قالدى
بىردە اي وزىنە كويلەك تىكتىرىپ الماق بولىپتى. تىگىنشى ايدىڭ بوي تۇرقىن ولشەپ الادى دا كويلەكتى ءپىشىپ، تىگۋگە كىرىسەدى. ۋادەلەسكەن شاعىندا اي كويلەگىن الۋعا كەلسە، كويلەگى ءارى تار، ءارى قىسقا بولىپ شىعىپتى.
— ءيا، مەن قاتەلەسكەن ەكەم، — دەيدى تىگىنشى. ءسويتىپ، كويلەكتى قايتا ءپىشىپ، قايتا تىگە باستايدى. ۋادەلەسكەن مەرزىم جاقىنداپ، اي كويلەگىن الۋعا تىگىنشىگە تاعى كەلەدى.
بۇل جولى دا كويلەگى شاق كەلمەي، قىسقا بولىپ قالىپتى.
ءيا، تاعى دا دۇرىس ولشەمەگەن ەكەم عوي، — دەيدى. ايدىڭ تولىسا بەرەتىنىنە تۇسىنبەگەن تىگىنشى. سونىمەن قايتا ولشەپ، قايتا ءپىشىپ، قايتادان تىگۋگە كىرىسەدى.
اي تاعى دا كويلەگىن الۋعا كەلە جاتادى. تىگىنشى كيىز ءۇيدىڭ تۇتىگىنەن اسقاندا كەلە جاتقان توپ-تولىق ءوزى تىككەن كويلەكتەن ەكى ەسە ۇلكەن ايدى كورەدى. نە ىستەرىن بىلمەي، ساسقالاقتاپ تىگىنشى باسى اۋعان جاققا قاشا جونەلەدى. اي ءارى ىزدەپ، بەرى ىزدەپ تىگىنشىنى تابا الماي قالادى. سول سەبەپتى، اي كويلەكسىز جالاڭاش قالىپتى.
وقۋعا كەڭەس بەرەمىز:
You Might Also Like
-
حح عاسىردىڭ باسىنداعى قازاقستان مەن رەسەيدەگى ماڭىزدى ساياسي جانە ازاتتىق قوزعالىس بولعان الاش پارتياسىنىڭ تاريحتاعى ءرولى زور.
