InfoHub Logo

باستاۋىش مەكتەپتىڭ وقۋ تاربيە ۇردىسىندە وقۋشىلاردىڭ جالپى وقۋ بىلىكتەرىن قالىپتاستىرۋ

ماقساتى - باسەكەگە قابىلەتتى مامان دايىنداۋ. مەكتەپ – ۇيرەتەتىن ورتا، ونىڭ جۇرەگى - ءمۇعالىم. ىزدەنىمپاز ءمۇعالىمنىڭ شىعارماشىلىعىنداعى ەرەكشە تۇس - ونىڭ ساباقتى تۇرلەندىرىپ، تۇلعانىڭ جۇرەگىنە جول تابا ءبىلۋى.

ۇستاز دەگەن ۇلى ءسوز ۇلاعاتتى،
ول بولماسا، كىم بەرەدى پاراساتتى.
اسىلىن بەرىپ شاكىرت بويلارىنا،
ءبىلىم ءنارىن بارىمىزگە سۋسىنداتتى دەپ ايتقانداي ۇستاز اتانا ءبىلۋ، ونى ءقادىر تۇتۋ، قاستەرلەۋ، ارىنداي تازا ۇستاۋ - ءار ءمۇعالىمنىڭ بورىشى. ول ءوز كاسىبىن، ءوز ءپانىن، بارلىق شاكىرتىن، مەكتەبىن شەكسىز سۇيەتىن ادام. وزگەرمەلى قوعامداعى جاڭا فورماسيا ءمۇعالىمى – پەداگوگيكالىق قۇرالداردىڭ بارلىعىن مەڭگەرگەن، تۇراقتى ءوزىن - ءوزى جەتىلدىرۋگە تالپىنعان، رۋحاني دامىعان، تولىسقان شىعارماشىل تۇلعا قۇزىرەتى. جاڭا فورماسيا ءمۇعالىمى تابىسى، بىلىكتەرى ارقىلى قالىپتاسادى، داميدى. نارىق جاعدايىنداعى مۇعالىمگە قويىلاتىن تالاپتار: باسەكەگە قابىلەتتىلىگى، ءبىلىم بەرۋ ساپاسىنىڭ جوعارى بولۋى، كاسىبي شەبەرلىگى، ادىستەمەلىك جۇمىستاعى شەبەرلىگى.

وسى ايتىلعانداردى جيناقتاي كەلىپ، جاڭا فورماسيا ءمۇعالىمى - رەفلەكسياعا قابىلەتتى، ءوزىن - ءوزى جۇزەگە اسىرۋعا تالپىنعان ءادىسنامالىق، زەرتتەۋشىلىك، ديداكتيكالىق - ادىستەمەلىك، الەۋمەتتىك تۇلعالى، كوممۋنيكاتيۆتىلىك، اقپاراتتىق جانە تاعى باسقا قۇدىرەتتىلىكتەردىڭ جوعارى دەڭگەيىمەن سيپاتتالاتىن رۋحاني - ادامگەرشىلىكتى، ازاماتتىق جاۋاپتى، بەلسەندى، ساۋاتتى، شىعارماشىل تۇلعا.
ناتيجەگە باعىتتالعان ءبىلىم مودەلى مەن باسقارۋدىڭ جاڭا پاراديگماسى اياسىندا جەكەلەگەن ۇعىمدار مەن نورمالاردى جانە ءتيىمدى پەداگوگيكالىق تەحنولوگيالاردى مەڭگەرۋ ءۇشىن پەداگوگتاردىڭ كاسىبي مادەنيەتىن دامىتۋعا باعىتتالعان وقۋ قاجەتتىلىكتەرى تۋىنداپ وتىر.
بىلىكتىلىك ارتتىرۋ جۇيەسىندە پەداگوگتاردىڭ وقۋ قاجەتتىلىكتەرى ناقتى ءبىلىمنىڭ ءمانىن تۇسىنۋگە، سونىڭ ناتيجەسىندە وزىندىك ءىس - ارەكەتكە ەنۋگە جانە جەكە ومىرىندەگى تاجىريبەنى جەتىلدىرۋ ماقساتتارىنا بايلانىستى قالىپتاسادى. وسى زامانعى ءمۇعالىم وقۋعا ۇلكەن پوتەنسيالدىق مۇمكىندىكتەرمەن كەلەدى.