باۋىرجان مومىش ۇلى
مومىش ۇلى باۋىرجان (1910-1982) – ەكىنشى دۇنيەجۇزىلىك سوعىستىڭ داڭقتى جاۋىنگەرى، حالىق قاھارمانى، قازاقتىڭ كورنەكتى جازۋشىسى. تۋعان جەرى جامبىل وبلىسىنىڭ جۋالى اۋدانىنداعى كولباستاۋ مەكەنى.
باۋىرجان مومىش ۇلىنىڭ ەكىنشى دۇنيەجۇزىلىك سوعىستاعى اسقان ەرلىگىمەن جانە ۇرىس جۇرگىزۋدەگى اسكەري شەبەرلىگى سول كەزدىڭ وزىندە وداق كولەمىنە اڭىز بولىپ جايىلدى. باۋىرجاننىڭ وسىنداي ەرلىگى جونىندە بەلگىلى ورىس جازۋشىسى ا.بەك «ۆولوكولامسكوە شوسسە» (قازاقشاسى «ارپالىس») پوۆەسىن جازدى. سوعىستان كەيىن جازعان كىتاپتارى سسسر حالىقتارى جانە بىرنەشە شەتەل حالىقتارىنىڭ تىلدەرىندە باسىلىپ شىقتى.
باۋىرجان بىرنەشە وردەن، مەدالدەرمەن ناگرادتالدى، كەڭەستەر وداعىنىڭ باتىرى اتاعىن الدى. الايدا بۇل اتاق وتان سوعىسى بىتكەننەن كەيىن جارتى عاسىرداي ۋاقىت وتكەندە بارىپ بەرىلگەن بولاتىن. ەل تاۋەلسىزدىك العاننان كەيىن ق ر تۇڭعىش پرەزيدەنتى ن.نازاربايەۆتىڭ جارلىعىمەن وعان «حالىق قاھارمانى» دەگەن اتاق بەرىلدى.
باۋىرجان مومىش ۇلى ايتقان دانالىق سوزدەرى:
- ♦ ءتارتىپسىز ەل بولماس، تارتىپكە باعىنعان قۇل بولماس
- ♦ ەل بولام دەسەڭ بەسىگىندى تۇزە.
- ♦ قوي باستاعان ارىستان توبىنان،ارىستان باستاعان قوي توبى ارتىق.
- ♦ تالاپتىنىڭ توقپاعى تاسقا شەگە قاعادى.
- ♦ مۇراتىڭا جەتكەنشە دوس پەن دۇشپانعا سىر بەرمە.
- ♦ ءيىر بۇتاقتى ەمەن شىنار بولۋعا قۇمار بولمايدى.
- ♦ كوپ تۇرعان سۋ ساسيدى، ويلاماعان مي ساسيدى.
- ♦ اقىماق كىسىنى ماقتاساڭ، اقىلىنان ايىرىلادى. اقىلدى كىسىنى ماقتاساڭ – كوپ ويلانادى.
- ♦ اقىل دا ويلاعاندى ۇناتادى. ويلانىپ-تولعانعان ادامعا عانا اقىل دۇرىس جول كورسەتەدى.
- ♦ پىشاقتىڭ ءجۇزى وتپەسە، سابى قانشا جاقسى بولعانمەن، تۇككە جارامايدى. الدىمەن ءجۇزى وتكىر بولۋى كەرەك.
- ♦ ءوزىڭ بىلمەيتىن ادامداردىڭ سىرتىنان عايبات سويلەپ،وبالىنا قالما.
You Might Also Like
-
باياعى وتكەن زاماندا ءبىر بايدىڭ جالعىز بالاسى بولىپتى. ءبىر كۇندەردە باي بالاسىنا ءبىر مىڭ سوم بەرىپ، ونى الىستاعى جارمەڭكەگە جىبەرىپتى. بالا بىرنەشە كۇن جارمەڭكەنى ارالايدى دا باسقا ۇنامدى ەشتەڭە تاب...
