![بىلگەننىڭ پايداسى](http://infohub.kz/uploads/thumbnail/20240119213225831_big.jpg)
- 19 ناۋ. 2015 00:00
- 201
بىلگەننىڭ پايداسى
ءبىر قارت ۇستا كۇنى-تۇنى تىنباي ءىس سوعىپ وتىرادى ەكەن. وعان كورشى، زامانىنداعى ءبىر زور باي، بروۋن دەگەننىڭ بالاسى ويناپ ءجۇرىپ قىزىققا كۇندە ۇستاعا كەلىپ، ءىس سوققانىنا قاراپ تۇرادى ەكەن. ءبىر كۇنى ۇستا مىرزاعا ايتتى:
— تورەم، قاراپ تۇرعانشا، تىم بولماسا، شەگە سوعۋدى ۇيرەنسەيشى، كىم بىلەدى، ءبىر كۇندەردە سول ونەردىڭ دە كەرەگى بولار. بالا نەم كەتەدى دەپ، كۇندە مازاققا شەگە سوعىپ ءجۇرىپ، بىرنەشە كۇندە جاقسى سوعۋعا ۇيرەنىپتى. مۇنان سوڭ بىرنەشە جىلدار وتكەن سوڭ، جۇرتىندا قاتتى جاۋگەرشىلىك باستالىپ، بروۋننىڭ مال-جانى تالانىپ ءبىتىپ، ءوزى قاتىن، بالاسىمەن قاشىپ شىعىپتى. سونىمەن، ىشەرگە-جەۋگە، كيۋگە دە كەم-تار سوعىپ، ءبىر قالادا جۇرگەن ۋاقىتتا، قالانىڭ اكىمى بۇيرىق شاشتى:
اسكەرگە كوپ ەتىك كەرەك، جاقىن جەردەگى قالالاردىڭ ساتاتىن مىعى تاۋسىلدى، مىق دايارلاسىن، – دەپ. سوندا ماناعى مىرزانىڭ مازاققا ۇيرەنگەن ونەرى ەسىنە ءتۇسىپ، پاتشالىق ەتىكشىلەرگە حابار سالدى:
— ەگەر كوپ مىق-شەگە كەرەك بولسا، مەن پودىرەتىن الامىن، – دەپ. ەتىكشىلەر ىستەگەن مىعىن كەرىپ ۇناتقان سوڭ، اسكەردىڭ ەتىگىنە مىق ىستەۋدىڭ مىندەتىن الىپ، كوپ مال تاۋىپ، اقىر ومىرىنە دەيىن كەمدىك كورمەي ءوتىپتى.